На туристите на Крушево им организираме атракција која се памети

Во пресрет на фестивалот „WhenInKrushevo“ за кое тимот на Кајак.мк ви го препорачува како задолжителна дестинација од 6-ти до 8-ми автуст, ве запознаваме со луѓето кои ќе му ја дадат магијата на градот.

Крушево е град во кој активниот туризам нема никогаш да згасне. Без разлика дали ќе го посетите во август или пак во јануари, градот има што да ви понуди.

За време на фестивалските денови вие ќе може да уживате кајакарејќи по езерото, летајќи со параглајдер над градот, а преку зима имате можност да уживате на снегот.

Денеска ќе ве запознаеме со Ѓорѓи Ицоски, долгодишен член на нордиската репрезентација на Македонија. Тој е веќе добро познат на македонската јавност по неговата успешна кариера кога станува збор за зимските спортови.

Ѓорѓи беше единствениот натпреварувач во бијатлон од Македонија за Зимските олимписки игри во Ванкувер во 2010-та година со обезбедена олимписка А норма, а Македонија како нација беше на 33-то место. Поади огромниот број натпреватувачи олимпискиот комитет донесе одлука да учествуваат 31 нации, со што Македонија не се најде на листата на Олимпијадата.

Но Ѓорѓи е веќе добро познат и по водените спортови, за кои како што вели тој, ги поврзува со скијањето, бидејќи на некој начин техниката е доста слична.

Во Кајакарењето се заљубил додека бил на летни припреми во Охрид, каде заедно со неговиот другар Лазар Поповски (За кого Кајак.мк има раскажано приказна, а истата можете да ја прочитате со еден клик ОВДЕ) веслале низ езерото. Од тој ден, Ѓорѓи се заљубува во кајакарењето како спорт за релаксација и се одлучил да купи свои кајаци кои воедно ќе ги изнајмува на гостите на фестивалот When In Krushevo.

Според него, Крушевското езеро има преубаво езеро за рекреативно кајакарење, бидејќи водата е доста мирна и нема бранови. Она што го прави уште поуникатно кајакарењето по ова езеро е рибниот фонт. Ѓорѓи вели дека додека туристите уживаат низ езерото може да забележат Тесталобик риби од речиси 30 килограми.

Секој кој ја користил ова атракција на езерото добил соодветна опрема и инструкции за кајакарење, што според него е најважниот дел. Но за да биде палетата од понуди уште подобра, Ѓорѓи набавил и SUP даски за веслање кои може да ги користат сите заинтересирани.

Повеќе информации може да добиете доколку го посетите фестивалот When In Krushevo кој ќе се оддржи од 6-ти до 8-ми август во Крушево.