Вила Пере во село Старо Лагово: Зелен двор за организирање разни активности

Со растењето на Кајак.мк, расте и трендот кај македонската популација да организираат настани под отворено небо, во селски средини на пространи зелени дворчиња каде ќе може да ја чувствуваат приватноста и комфорот кој го нуди просторот. Денеска во нашата база додаваме уште една вила која во моментов е идеална за изнајмување за организирање разни настани на отворено, а наскоро ќе биде достапна и за ноќевање.

Вилата Пере се наоѓа во село Старо Лагово, на само 7 километри јужно од Прилеп. До вилата се стигнува по асфалтен пат кој води кон познатото Мариово. Ова село брои околу 20-тина жители кои претежно се занимаваат со земјоделие и сточарство, како и одгледување на познатото жолто злато - тутунот.

Вилата е лесно е достапна, скршнувајќи само неколку километри од регионалниот пат Битола - Скопје.

Лоцирана на влезот на селото и се наоѓа во близина на училиштето во кое учат деца од неколкуте околни села: Ново Лагово, Волково, Чумово и Беровци. Просторот има прекрасен поглед кон Селечка Планина и врвот Висока, кој е висок 1471 метри, а во околината на Вила Пере се одржуваат мото-крос настани, кои се вистинско доживување за гостите кои доаѓаат од странство.

Како што споменавме во моментов „Вила Пере“ е достапна за организирање на разни фамилијарни, колегијални и забавни настани, а во блиска иднина ќе биде достапна и за ноќевање.

Повеќе информации и контакт за резервација можете да најдете со еден клик ОВДЕ.