17.04.2024

Создаваме винска приказна преку скриените вкусови во грозјето

Создаваме винска приказна преку скриените вкусови во грозјето

Доаѓањето на пролетта и убавото време го мотивираше тимот на кајак.мк да направи обиколка на еден од најпознатите вински региони во нашата земја и да се запознае со уште една семејна винарија.

Отворена во 2023 година, винаријата „Поетика” е сместена во Кавадарци, а регистрирана во МЗШВ. Од винаријата велат дека отворањето е поврзано со една од основните идеи на животот, а тоа е дека тој е создавање, но истовремено и можност за искусување на сѐ она што овој свет го нуди. Почитувајќи ја традицијата, но, истовремено и научните достигнувања во областа на винарството, идејата почнува да се реализира, преточувајќи го производот од лозовите насади во вино. На самиот почеток ангажираат стручно лице (технолог-енолог) кој е директно вклучен во целиот процес на производство, за потоа да следи и обезбедување на потребната опрема.


„Што се однесува до лозовите насади, располагаме со 15 декари сопствени насади на кои ги одгледуваме сортите станушина (наша единствена автохтона сорта), жилавка, смедеревка и вранец. Од друга страна, имаме кооперанти од кои досега ги обезбедивме сортите мерло, каберне совињон, шардоне и семиљон. Секое вино е складирано во стаклена амбалажа од 0,75dl, и етикетирано на кое се гледа логото на винаријата, броевите на решенијата за пуштање во промет, како и сите информации преку кои консументот може да се запознае со карактеристиките на виното. Си поставивме задача од најубавото зрно грозје да ја направиме најубавата капка вино и постојано да работиме во насока на унапредување на квалитетот“, велат од винаријата.

Климе, првиот човек на винаријата вели дека е од огромна благодарност да секоја скриена арома во зрното грозје ја преточат во капка вино, онакво вино кое ќе ги открива скриените, а ќе ги зачува и нескриените ароми и вкусови.


„Создадовме и ќе создаваме вина чиј процес ќе се темели на нашата автентична филозофија, која се карактеризира со својствен пристап, почит и негување на традицијата, со љубов кон гроздот и виното, и со висока стручност во одгледувањето на секое зрно и сорта вино што им е потребна“, вели Климе.

Тој додава дека посветеноста и пристапот се крунисани со награди уште на првиот натпревар на кој конкурирале со нивните вина. Оваа година, за празникот „Св. Трифун“, се одржа натпревар во организација на Здружението на винопроизводители „ВИНОТЕК“ од Кавадарци, кој воедно се одржува неколку години по ред. За розе виното од сортата станушина освоивме златен медал и бронзен пехар, за сортата шардоне освоивме златен медал, додека за сортите смедеревка и мерло освоивме сребрен медал. Ова искуство е мотивација, а воедно и се надоврзува со нашата визија за зачувување и збогатување на винската култура, проширување на производството по сорти и количина согласно нашата филозофија.


За винаријата „Поетика,” Виното е љубов и цивилизациско достигнување кое треба да се одржува од овие и од идните генерации. Тоа ги спојува луѓето и им овозможува пријатни чувства и задоволство што ќе трае. 


Во нашата филозофија, „нашите“ вина се всушност и „ваши“, затоа што ние ги создаваме за Вас, затоа што Вие ќе ги конзумирате живеејќи ги Вашите убави моменти. „Животот е вечно доживување“, ќе рече големиот Виктор Иго, нам навистина ќе нѝ причинува задоволство доколку Вашето живеење биде збогатено со добра капка вино од семејната винарија „Поетика“. Во наше и Ваше здравје.

Остави Коментар

Коментари

  • Vasil Stamenkov-Skopje

    19.04.2024 00:42

    Pochituvana Gospodo, So vnimanie go prochitav napisot za Vas i vashata vinarija i sakam da kazham deka uspehot ke Vi dojde ako rabotata ja rabotite so ljubov i pochit na klientite,pa vo toj smisol Vi posakuvam mnogu uspesi. Dolgo vreme barav mozhnost da kupam vino SEMIJON (ednash go piev i mi ostavi mnogu ubav utisok so svojot vkus i miris,ama ne mozhev da go najdam vo Makedonija. Kako Vie go imate vo vashiot podrum,sakam da Ve prasham dali istoto mozhe da se kupi vo Skopje i kolku koshta. Za Vashiot odgovor,odnapred Vi blagodaram. So pozdrav-Stamenkov Vasil

Прочитајте повеќе

Македонија повторно изненадува: Антички мозаик откриен на локација за која малкумина знаат

Мозаикот во Пеленица кај Драчево открива нов дел од античката историја на Скопје. Откријте што пронајдоа археолозите.

November Run: 3.000 учесници минатата година, ново издание на 14 и 15 ноември

November Run 2026 ќе се одржи на 14 и 15 ноември во Гевгелија. Минатата година настанот привлече 3.000 учесници, од кои 1.300 на главните трки.

Аеродромот во Неапол е затворен цел ноември: што да проверите

Аеродромот во Неапол е затворен од 1 до 30 ноември за реконструкција на пистата. Дел од летовите се префрлени во Салерно.

Стоби: нови откритија во римскиот театар

По 17-та сезона истражувања во Стоби, археолозите документираа две градежни фази, заѕидан премин и предмети од доцната антика.

Пештера Врело на Матка: рекордни 338 метри | Кајак.мк

Експедицијата „Врело 2026“ ја истражи пештерата Врело на Матка до 338 метри. Дознајте што значи рекордот и како се посетува пештерата.

Триглав Осигурување докажа дека Пехчево е вистинско богатство за тим-билдинг авантури!

Триглав Осигурување докажа дека Пехчево е вистинско богатство за тим-билдинг авантури!