Сакам да готвам во природа, тоа ми дава слобода и спокој

Тимот на Кајак.мк ве запознава со уште еден интересен локален номад со кој би имале интересна соработка во текот на наредната летна сезона.

Живее и работи во Радовиш, а за луѓето во градот е познат како Гонев, а на социјалните мрежи луѓето го следат како „Gonev- The modern Nomad“.

Она што нè привлече да стапиме во контакт со него е неговиот невообичаен начин на кој ја промовира убавината на Македонија, особено дивината на источниот регион на државата.

За Кајак.мк вели дека идејата за "The modern nomad" доаѓа од неговиот начин на живот и неговата љубов кон готвењето. Името го поврзува со неговот концепт на работа. Снимањето на различни локации и приготвувањео храна на рустичен начин е она што асоцира на номадско живеење, а од друга страна билдањето на физичкиот изглед му ја дава придавката модерен.

За Гонев, сето ова започнува како хоби. Љубовта кон проридата и готвењето ги преточува во едно и одлучува целиот процес да го документира преку видеозаписи за кои се надева дека ќе ги следат и практикуваат многу луѓе.

Реакциите кои ги добива се доста позитивни. Ова е нешто кое е комплетно ново и атрактивно, вели тој.

Засега не е фокурисран само на една кујна. Готви јадења од различни светски кујни. Најчесто приготвува омилени и познати јадења кои ги јадат луѓето ширум светот. Гонев вели дека во иднина ќе се фокусира повеќе на традиционални македонски специјалитети, бидејќи преферира да користи органски и свежи производи, а исто така сака да користи алатки кои ги нуди природата.

„Македонија изобилува со прекрасна природа и тоа е една од моите цели, да ја прикажам убавината на природата низ моите видеа. Најчесто ги посетувам источните предели на Македонија. Гледам тоа да бидат места кои во близина имаат река или извор бидејќи при готвењето секогаш се користи вода од местото каде што сум сместен. Не можам да издвојам некои работи кои ја прават Македонија посебна бидејќи навистина имаме прекрадна природа која треба да се негува и чува“, вели Гонев.

Целта на „The modern nomad“ е да ги поттикне луѓето да ја сакаат и чуваат природата, да поминуваат повеќе време на отворено и да конзумираат повеќе здрава храна.

Гонев е новиот локален херој кој прави мали нешта од огромно значење за развој на туризмот во Македонија. Од денеска тој е дел од нашата база на луѓе кои може да понудат уникатно искуство во Македонија.

Неговата авантура може да ја следите на: 

Instagram: https://www.instagram.com/gonevmodernnomad/

ТikTok: https://www.tiktok.com/@go.nev

Facebook: https://www.facebook.com/Gonev.95