Се повеќе млади од Македонија ја избираат ова викенд дестинација

Доаѓа викенд, а со тоа и прашањето „Каде на викенд? Кајак.мк ве води до „Бела Вода“ место кое е омилено помеѓу младите во државата, од причина што фреквенцијата на туристи е доста помала за разлика од Охрид или Маврово, а со тоа и приватноста е поголема.

Бела Вода е етно-туристички комплекс лоциран во централниот дел на Малешевијата, приближно на 35 км од Струмица и 25 км од Берово. Пријатната клима за време на лето, есен, пролет, зима го прави овој регион чудесно и пожелно место за опуштање и уживање во даровите од природата преку целата година. Tуристите може да уживаат и во јавање на неколкуте мустанзи, кои се дел од понудата.

Она што Кајак.мк го истакнува како битен момент е:
Дегустација на: Малешевски зелник, јаре, овчо сирење, пастрмка во бакарна тава и компири на жар.
Атракција: Јавење на коњи кои се дел од понудата.

Mесноста Бела Вода, скриена зад околните ритчиња од Малешевијата, богата со реки и чист воздух. Поминувајќи покрај популарната викенд-населба Суви Лаки, по само 5 километри возење кон Берово, се открива овој центар кој е уште една од многуте убави македонски дестинации. Гостите, коишто често ја посетуваат оваа населба, велат дека државата има богата туристичка понуда, но потребна е поголема промоција и инвестиции.