Престојувајте во викендица на 1250 мнв во село Саса

Уште од самиот старт на платформата Кајак.мк, зборуваме дека една од нашите главни цели на постоењето на Кајак е да ги поттикне сите домаќини да ги отворат вратите од своите домови за патувачите и да го раскажат својот уникатен свет на луѓето трагачи по нови приказни и нови искуства.

За класичните патувачи, ваквата идеологија е малце тешко да се соџвака, тргнувајќи од фактот дека ваквиот концепт на промоција на туризмот и руралните убави во Македонија досега не ги развивале многу агенции и платформи. Ние ќе се потрудиме колку што можеме преку нашиот труд да имаме влијание врз идните генерации и да работиме на почитта на различностите.

Денеска, сакаме да ве запознаеме со домаќинот Јоцо, кој ни ги отвори вратите од својата викендица која се наоѓа во село Саса на 1250 метри надморска височина и со наклон на терен 20 степени. Сместувањето е на само 2 часа пешачење од врвот Руен кој е висок 2252 метри.

За оние кои не слушнале за селото Саса, треба да знаат дека ова е планинско селце кое се наоѓа во осоговската област, односно во северниот дел на општина Македонска Каменица. Овде поминува Каменичка река, вклучувајќи ги и нејзините извори во Осоговските планини.

За оние кои ќе се одлучат да го посетат и престојуваат во селото, треба да знаат дека овде може да ги посетат Саскиот манастир, Каменичката река и секако да разговараат со локалното население кое може да им подари многу информации, а од кое може да набавите и здрава локална храна.

Викендицата на Јоцо е идеална за 6 лица. Располага со 3 соби за спиење, една кујна и една дневна просторија. Доколку сакате повеќе информации за сместувањето, фотографии и контакт за резервација, тоа ќе можете да го добиете со еден клик ОВДЕ.