Не наседнувајте на шпекулациите за тоа како ќе се патува во Грција ова лето!

Одредени медиуми „тврдат“ дека тест за Ковид-19 направен до 72 часа пред полетувањето за Грција ќе биде клучен за влез во државата. Ова информација не е официјално потврдена од грчките власти. Покрај тоа постојано се пишува дека ќе има размер во лежалките, а и дека одредени лежалки ќе бидат преградени со стакло или пластика.

Информациите коишто кружат деновиве на интернет порталите зборуаат и за авионите дека кон Грција нема да има празно седиште помеѓу патниците и дека ќе има „хотел- карантин“. Ваквите информации се само предлог- протокол на Министерството за туризам на Грција, кои министерот Харис Теохарис ги претставил, говорејќи на видеоконференциски настан со претставници на подмладокот на Нова демократија.

Сепак, не станува збор за конечната верзија на здравствените протоколи, кои што се изработени во соработка со експертската комисија за заразни болести од Министерството за здравство на Грција, туку се предлози на Министерството за туризам доставени до туристичките организации, федерации и здруженија во Грција, кои можат да дадат нивни коментари, предлози и слично и мерките да претрпат промени, за до крајот на следната седмица да бидат финализирани, а конечниот збор ќе го има грчкиот премиер, јави дописничката на МИА од Атина.

Според она што го открил министерот за туризам, за еден странски турист, авионски да пристигне во Грција, ќе треба најдоцна во последните 72 часа пред патувањето да има потврда дека не е заразен со новиот коронавирус, а без негативен тест нема да може да се качи во авион. 

Во однос на авионскиот превоз, како што објавија медиумите, летовите од, кон и во внатрешноста на Грција ќе бидат со полн капацитет, односно нема да има празни седишта меѓу патниците.

Министерството за туризам на Грција, во секој туристички регион во земјата ќе најми објект што ќе има функција на „хотел карантин“, каде што би се пренесувале туристите, доколку се констатира дека се заразени со новиот коронавирус.

Секој хотел или туристички објект ќе биде обврзан да склучи договор со лекар, кој ќе биде надлежен да одлучи дали ќе биде тестиран туристот, доколку се појават симптоми на Ковид-19. Резултатите од тестот би биле готови најдоцна до шест часа, а ако туристот е позитивен, ќе биде пренесен во „хотелот карантин“.Во хотелите нема да има шведска маса, додека пак лежалките на плажите ќе бидат проретчени и ќе имаат покривка за една употреба што ќе се менува за секој посетител. Министерот за туризам на Грција, на видеоконференцискиот настан со подмладокот на Нова демократија, според грчките медиуми, најавил билатерални договори со одредени земји, а како пример ги споменал Бугарија, Израел и Кипар.

Сите информации ќе бидат официјални тогаш кога од грчкото министерство ќе излезат на официјална прес-конференција каде воедно се соопштуваат и сите детали. 

Имено, влијание врз одлуките и начинот за тоа како ќе се спроведува туризмот во Грција ова сезона има и Европската Унија. 

ДАЛИ САКАТЕ ДА ЗНАЕТЕ:

Патувањата во летните месеци ќе се координираат со соседните земји

Aвиокомпании кои ги зголемија своите такси за багаж во 2020 година

Филмови што треба да ги гледате ако сонувате за Италија