Уште еден ранч во Македонија во кој може да престојувате

Базата на Кајак.мк со приватни сместувања се збогатува со уште еден уникатен ранч кој се наоѓа во општина Ранковце, поточно во село Радибуш на 40 километри од Куманово.

Домаќинот Даниел кој ни ги отвори вратите за светот на Кајак, вели дека гостите доаѓаат овде пред се поради храната која се служи во истоимениот ресторан. Добра е и местоположбата. Во околината може да се посетат многу знаменитости, како манастирот Св. Јоаким Осоговски, камените кукли во село Куклица, а во склоп на општината се наоѓаат и вештачкото езеро Отошница кое е оддалечено 8 километри од ранчот.

Ранчот има фанстастичен амбиент опкружен со природа, а доколку престојувате овде ќе имате чувство дека се наоѓате во минатото. Самиот ентериер е комбинација од дрво и камен, а надворешниот дел располага со 7 хектари површина, кој е доволен простор за прошетка и активности во природа.

Освен сместувањето и ресторанот, овде се наоѓа и езеро, мини зоолошка градина и доста стази за трчање или прошетка.

Доколку сакате повеќе информации за сместувањето, фотографии  и цени, кликнете ОВДЕ.