Хотел во Крушево на локација идеална за активен туризам

Во пресрет на фестивалот „When in Krushevo“ тимот на Кајак.мк направи обиколка се со цел да ве запознае со сместувачките капацити со кои располага градот идеален за активен туризам.

Крушево е град кој нуди доста атракции преку цела година. Од јавање коњи, параглајдинг, кајакарење, па се до изучување на историјата, уметноста и традицијата.

Непишано правило е дека секој кој живее во Македонија мора барем еднаш во животот да го посети и да престојува во градот.

Ние денеска ќе ве запознаеме со домаќинката Ирина, која ги отвори вратите на хотел Скоприон за патувачите на Кајак.мк.

Нејзиниот хотел се наоѓа наспроти спомен куќата на Тоше Проески и е идеален за секаков тип на гости. Објектот се наоѓа во прекрасна околина, а просториите нудат извонреден поглед. За туристите кои сакаат мирно опкружување и тишина, тоа ќе може да го добијат овде.

Хотелот се наоѓа веднаш до шумските патеки, што преставува идеална појдовна точка за сите активни туристи. Се препорачува и на фамилии поради комфорот, храната која се служи во ресторанот и дизајнираниот ентериер.

Хотелот е опкружен со најзначајните музеи и споменици карактеристични за Крушево како и природа.

Во непосредна близина се Спомен куќата и гробот на Тоше Проески, споменикот Македониум, споменикот на Никола Карев, музеј на НОБ, Крушевско езеро, спортски терени за фудбал, тенис, финтес на отворено, спортска сала, детско игралиште и месноста Гумење.

Доколку сакате повеќе информации, контакт и фотографии од хотелот кликнете ОВДЕ.

Foto: Ali Nuredini

Доколку се одлучите за престој во хотелот, ова се дел од турите кои може да ги организирате:

Хотел – Музеј на НОБ – Корзо – Езеро - Хотел (приближно време 30 минути)

Хотел – Спомен куќа на Тоше Проески –Гумење - Гроб на Тоше Проески – Споменик

Македониум – Корзо – Езеро - Хотел (приближно време 30 минути)

Хотел – Црква Св. Недела – Езеро – Хотел (приближно време 30 минути)

Хотел – Бегова Корија – Ски Центар Станич - Хотел (приближно време 1 час 30 минути)

Хотел- Бегова корија – Месност Слива – Езеро - Хотел (приближно време 2 часа 30 минути)