Дали сте слушнале за езерото Единак во Македонија?

Целта на Кајак.мк е да ги запознае новите генерации со сите можни дестинации во Македонија кои заслужуваат да се посетат за време на слободните викенди. Ако избирате што да бидете во животот, бидете авантуристи! Тоа ќе ви помогне да бидете активни за време на слободните викенди, да научите многу за Македонија и да запознаете многу нови локални мештани кои ги посветиле животите во развој на локалниот туризам.

Денеска, сакаме да ве прошетаме низ селото Војница, за кое сме сигурни дека голем дел од вас се уште немаат слушнато. Селото се наоѓа во срцето на Македонија, а до него води асфалтиран пат кој е во должина од 17 километри од градот Велес, но треба да имате предвид дека движењето до селото и до езерото Единак е вистинска авантура.

Фото: Наташа Величковска

Селото Војница се наоѓа во областа Клепа на 300 метри височина, на источната граница на општина Чашка. Овде може да ја најдете реката Бабуна, а селото има доста значајни спомен обележја кои му даваат историска тежина на селото.

При Втората светска војна, во селото била создадена Дванаесеттата македонска бриграда, каде во во рами на четата бил револуционерот Коле Неделковски.

Фото: Елена Маркова

Денеска во самото село се наоѓа спомен куќата на овој наш великан поет и револуционер, која говори за борбата на македонскиот народ. Покрај спомен куќата, овде ќе ја најдете и главната селска црква „Св. Атанасиј“ која е прогласена за културно наследство на Македонија од 1953 година поради архитектурата на објектот и специфичната изработка на икони и фрески, кои се од непознат автор.

Фото: Наташа Величковска

Недалеку од селото се наоѓа етно куќата Единак, кој има свое езерце во кое се чува и одгледува риба. Ресторанот работи во текот на пролетта, летото и раната есен. Од денеска, етно куќата Единак е наша нова гастро дестинација, контакт број, повеќе информации за точната локација можете да најдете со еден клик ОВДЕ.