Кајак Агенција објавува фотографии од малолетни лица исклучиво кога тие се јавно објавени на официјалните страници на соодветните сервиси. Во ниту еден случај kajak.mk не споделува приватно испратени фотографии за кои не постои или не може да се обезбеди согласност од родител или старател.

„Научна Кујничка“ е едукативен центар каде што фантазијата преминува во знаење.

Едукативната програма од областа на природните науки е развиена со цел да ја поттикне научната писменост кај децата во предучилишна и рана училишна возраст. Таа придонесува за когнитивниот развој и претставува важна основа за понатамошно надградување во рамки на формалното образование.

Едукативен пристап и методологија

Програмата се базира на поттикнување на природната љубопитност кај децата и нивната желба за истражување. Методологијата е развиена од тим стручни лица од Универзитетот во Белград и вклучува:

• Воведување на научни поими преку дискусија
• Демонстративни вежби за поттикнување критичко размислување
• Самостојно изведување на експерименти прилагодени на возраста
• Логички задачи за утврдување на знаењето
• Едукативни друштвени игри поврзани со темите, кои го претвораат учењето во игра

Роденденски забави со научна тематика

Во рамки на едукативниот центар се организираат научно-едукативни роденденски забави за деца. Преку интерактивна и забавна атмосфера, децата учат преку игра, експериментирање и истражување.

Активностите се осмислени така што ја поттикнуваат љубопитноста и создаваат незаборавно искуство исполнето со наука и забава.

Овие роденденски забави претставуваат вистинско научно и едукативно шоу.

Роденденска понуда

• Користење на простор: 5.000 денари за 2 часа + 350 денари по дете
• Возраст: 6–11 години
• Препорачан број на деца: 25 (максимум 30)

Вклучено во цената

• Научно-забавна детска лабораторија со уреден простор
• Заштитни мантилчиња и заштитни наочари
• Роденденска агенда
• Едукативни експерименти со активно учество на децата (1 час и 15 минути)
• Персонализирана дигитална роденденска покана
• Диско забава во траење од 45 минути
• Сокови (330 мл) и неограничени грицки за децата
• Прибор и послужување за роденденска торта (донесена од славеникот)
• Фотографирање и персонализиран фото магнет
• Подарок ваучер за славеникот: 1 месец бесплатно учество во едукативната програма (при приклучување)