Вила Радожда: Свежа дива риба

Има доста патувачи кои повеќе го сакаат зимскиот спокој покрај Охридското езеро отколку летниот сезонски џагор кој го произведуваат масовните капачи.

Има луѓе кои едноставно сакаат да уживаат во звукот на брановите, седејќи во некој од локалните традиционални ресторани и јадејќи тазе подготвена риба. За таа категрија на авантуристи, тимот на Кајак.мк ја препорачува вила Радожда, сместена на самиот брег на југозападниот дел на Општина Струга.

Ние разговаравме со домаќинката Ирена која ни го кажа првото добредојде со домашно макало, тазе леб со крцкава кора и пекарски компир кој симболизира домаќински поздрав.

Ирена вели дека вила Радожда е фамилијарен бизнис кој функционира од 2008-та година. Она што го прави уникатно ова место е моментот дека овде се подготвуваат специјалитети од риба на домашен традиционален начин. За подготовка на овие традиционални рецепти се користат исклучиво локални производи, диви риби од Охридско езеро, а се рибата се служи со додатоци кои се направени исто така на домашен начин.

Храната на вила Радожда е дел од семејството на „Slow Food“, а она кое ви го препорачуваме да го дегустирате како специјалитети се јагулата на струшки начин, крап на кромид- со тајните мирудии на домаќинот, тресена пастрмка, раскошни салати и вистинска атмосвера пренесена од соседното море. Слаткиот дел е со раванија, и домашните колачиња на Ирена, со многу ореви.