14.02.2021 10:37

Се запознавме на патување, а сега заедно истражуваме дестинации

Дека љубовта и патувањето може да бидат едно, говори нашата приказна која ја објавуваме денеска на 14-ти февруари, денот на виното и љубовта, а се однесува за парот кој на инстаграм профилот се води како @adventure.mk.

Тимот на Кајак.мк ви ја раскажува едната страна љубовната страна на денот, а во текот на денот ќе ви сподели уште една приказна поврзана со лозарството и виното.


Adventure.mk се повеќе од промотори на убавината на Македонија. Тие се авантуристи и луѓе кои знаат како да ги ценат убавините на оваа земја. 

Станува збор за Мане и Ана. Мане по професија е машински инженер, конкретно правец моторни возила и тој е задолжен за сите технички работи поврзани со нивните патувања. Ана е студент на Архитектонски факултет при УКИМ и стои зад сите естетски работи позади нивниот профил.


Двајцата велат дека нив ги спојуваат лудите идеи. Секое тргнување е случка уште од старт, а Арон нивното куче е шлагот на сѐ тоа. Она што го сакаат и двајцата е дефинитивно мирот и уживањето за тие неколку денови додека патуваат. Избегнуваат гужви и збиени простори и избираат слобода. 

Секој патувачки пар има и свои различности. Кога праваат избор на следна локација Ана повеќе сака да ги посети сите околни атракции и да практикува набиена агенда, за разлика од Мане кој би одбрал само две од нив, од причина што сака целосно да го доживее духот на местото.


Ана и Мане се запознаваат за време на патување, на планина. Ова говори дека патувањето може да ве спои со многу луѓе, како на пријателски така и на љубовен план. Иако тоа не било класично патување, сепак се сретнале на исто место и во исто време. 

Како индивидуи патуваат и двајцата, но до одредена мера со потиснати чувства за она што навистина го сааат и им треба. Секогаш кога имате свои интереси можете да патувате и сами, не ви е потребно друштво, вели Ана. 


Adventure.mk го акцентираат Крушево како дестинација за љубовни парови. Според нив затоа што е секогаш магично и може да ги задоволи интересите на различни типови на парови. Кожуф, затоа што е непресушен извор на скриени убавини! Ова е must see за оние кои сакаат авантури. Љуботен, за храбрите кои ценат добар поглед од високо и за крај планинарскиот дом Чеплес, затоа што е љубов сам по себе.


Тие ги мотивираат сите парови коишто се постојано изолирани дома да си дадат шанса на себе и да се посветат на патувањето. Она што тие го дознале после многу патувања е дека секое место си има свој сјај и убавина и секое од нив ќе го паметат на посебен начин. Доколку сте активни и сакате движење, пробајте да извлечете максимум информации пред тргање.


Прво, ќе намалите на изгубено време додека сте таму и полесно ќе се снајдете и второ, ќе можете да си направите подобра организација за целото патување. Во случај да испадне некој план 5 до 12, не го откажувајте туку напротив, испаднете да истражувате, советуваат adventure.mk.



Прочитајте повеќе

Резервирајте шармантна традиционална македонска куќа со поглед кон Радика

Во селото Јанче, со векови наназад, традиционалните македонски куќи се реновираат од страна на локалното население, користејќи локални камења, дрва и еспертиза од локалните стари чувари на тајната за шармот на куќата.

Кампуваме низ цела Македонија, секој авантурист може да ни се придружи

Пролетта ни тропа на врата, југот на Македонија веќе е прилично зелен, а желбата да се скокне во вода се повеќе расте. Март е месец на двоумење! Дали утре ќе падне нов снег или ќе блесне јако сонце. Но како и да е, Македонија започна да се буди од зимскиот сон.

Започнавме со една икона за подарок, а сега имаме огромен број резбарски дела

Кога сме кај туристичките приказни од луѓето кои прават мали нешта со огромно значење во развојот на туризмот, тимот на Кајак.мк се одлучи месец Март да го посвети на жените хероини кои творат во Македонија.

Вила на Пониква за луѓето кои “мразат“ луѓе

Има патници кои бараат начин како да одморат глава од луѓе. Таквите барања тимот на Кајак.мк ги разбира бидејќи знаеме колку е важно патувањето во намалувањето на стресот и колку секој чека да отпатува некаде за да го искористи своето слободно време.

Животот ме научи да се пронајдам како туристички водич во Охрид

Пролета не е пролет ако не го посетите Охрид. Март е месецот кога се најавува новата сезона и кога сонцето се повеќе привлекува туристи во градот.

Нашиот еколошки пчеларник е доказ дека Македонија е навистина медена земја

Време е да почнеме да размислуваме околу пролетните патувања. Многу наскоро ќе се пробуди животионскиот свет во Македонија, а со тоа се пробудува и нашата желба за активно патување.