Побрзајте, на Галичник имаат есен!

Кајак ве води низ есенските планински шаренила. Замислете да сте на велосипед по некој планински пат, а од вашата лева и десна страна да ве следат жолта, портокалова, темно црвена и надежна зелена боја?

Запознајте ја Катерина која ги овековечува убавините на нашата земја. Таа воедно и ги советува туристите за тоа кој период е најсоодветен за одредена туристичка дестинација. За месец октомври и ноември нејзина препорака е Галичник. Особено за љубителите на добрата фотографија како што е таа, но и за патниците- уметници во душа. На својот инста профил @topuzovska таа  на својот инста профил @topuzovska го раскжува Галичник кој е убав во октомври. Како што ни објасува, чекала убав ден на крајот од месецов знаејќи дека шумата ќе биде во боите на есента и идеална за фотографирање.

Нејзината фото тура која ја препорачува на сите е со старна точка од Царевец, место кое е на патот накај Галичник, а од каде се гледа и Мавровското езеро,а надоле има убав поглед кон стариот пат.

Со пристигнувањето во Галичник се качувате малку погоре (доколку не е врнежливо не сте обврзани да се движете по асфалтниот пат).

Од горе убаво се гледа целото село и ако е убав денот боите се гледаат преубаво. Секако покрај главната црква во средина на селото убаво е да се види и малата црквичка Св. Петка (таа се наоѓа на патот за накај ресторанот Неда).

Секако ручек во Неда со убав поглед. Ако сакате друг стил на слики од Галичник има преубави места после Неда, на патот накај селото Јанче каде што одлево се гледа Галичник а десно се другите села што се наоѓаат под врвот Крчин.