Компанијата Ludotech со уникатен тим билдинг

Тим билдинг настаните кои ги организира Кајак Агенција секогаш внесуваат нешто автентично и македонско. Овој пат заедно со компанијата Ludotech организиравме една супер работилница во подготовка на домашни македонски тестенини кои беа создадени со локални вкусови на пиперка, лук, магданос и ред друго. 

Настанот беше полн со позитивна енергија, смеење и инспиративна атмосфера. Нашата цел беше да создадеме искуство што ќе ги поврзе луѓето и ќе ја зајакне тимската хемија. Со внимателно осмислена програма, им овозможивме на учесниците да се опуштат, научат нешто ново и да се забавуваат до максимум.

Млади ИТ професионалци со голема енергија

Тимот на Ludotech го сочинуваат супер млади и талентирани луѓе од ИТ секторот од Гевгелија и другите градови, кои со својата креативност внесуваат свежина во секој проект. Тие ја пренесоа истата таа енергија и на тим-билдингот, создавајќи динамична и мотивирачка атмосфера. Секој момент беше исполнет со ентузијазам и тимски дух. Кајак Агенција со задоволство гледаше како младите се поврзуваат и соработуваат преку активности и работилници што инспирираат доверба и сплотеност.

Работилница со вкус на традиција

Еден од највпечатливите делови од денот беше нашата работилница за приготвување домашни македонски тестенини. Младите имаа можност да научат како се создаваат автентични локални вкусови со раце и љубов. Со поддршка од наши локални мајстори, ги запознавме со тајните на традиционалната македонска кујна. Мирисот на свежо тесто и радоста на учесниците создадоа вистинска гастро-магија. Работилницата беше симбол на спојот меѓу технологијата и традицијата — модерно и старо во совршен баланс.

Игра, вино и незаборавна дружба

По работилницата, следеше дел исполнет со тимски игри, дегустација на вино и многу забава. Сите уживаа во активностите што поттикнуваа натпреварувачки, но и другарски дух. Се слушаа насмевки, аплаузи и добра музика која ја заокружи вечерта во вистински стил. Ludotech уште еднаш докажа дека знае да ја негува тимската култура и да создава пријателства надвор од работното место. Благодарност до сите учесници — вие ја направивте оваа приказна посебна!

Повеќе фотографии можете да погледнете со еден клик ОВДЕ.