Баварија воведува уште поригорозни мерки- казни и до 25 000 евра

Баварија е првата германска сојузна покраина, што воведе дополнителни мерки за ограничување на движењето на граѓаните, а сојузните држави Бремен, Хесе, Рајнланд-Палатин и Саксонија утре ќе ги затворат сите ресторани и кафулиња, пишува Канал5.

„За жал, групи луѓе сè уште можат да бидат видени во јавноста или на таканаречените корона- забави. Повеќе не можеме да го толерираме тоа“, изјави премиерот на Баварија, Маркус Соудер, објавувајќи дека Баварија ги воведува мерките за ограничување од полноќ. Тој рече дека сега треба да се обидат да се спречи ненадејно зголемување на бројот на заразени.

Започнувајќи од полноќ во Баварија, забрането е да се напуштат становите без оправдана причина, како на пример одење во набавки, на доктор, во аптека, на работа или на средба со партнер.

Дозволени се спортови на отворено, но само за лица кои живеат во исто домаќинство.

Соудер одби да ги нарече овие нови мерки карантин, бидејќи, како што рече, не станувало збор за целосна забрана за напуштање на домовите , како што беше случајот во Кина.

Според Соудер, полицијата ригорозно ќе го контролира спроведувањето на овие правила, а за неисполнување ќе бидат изречени казни до 25.000 евра.

Извор: https://kanal5.com.mk/bavarija-voveduva-ushte-porigorozni-merki-kazni-i-do-25-000-evra/a414117

1. 
   ИНФОРМАЦИИ КОИ СЕКОЈ ПАТНИК МОРА ДА ГИ ЗНАЕ, А СЕ ПОВРЗАНИ СО КОРОНАВИРУСОТ, ЧИТАЈ ОВДЕ!
   
2. 
   
   СИТЕ ОСТАНТИ ВЕСТИ ПОВРЗАНИ СО КОРОНАВИРУСОТ И ПАТУВАЊЕТО, ПОГЛЕДНЕТЕ ГИ ОВДЕ!
3. 
   
   КАРАНТИН И ЗАБРАНА ЗА ПАТУВАЊЕ: ЛИСТА ОД 38 ЗЕМЈИ КОИ ИМААТ ОГРАНИЧУВАЊЕ ПОРАДИ КОРОНАВИРУСОТ, СИТЕ ИНФОРМАЦИИ ОВДЕ!