Престојувајте во ранч на планината Герман

Секој од нас има моменти кога сака да побегне на планина, да разговара со локалците кои живеат таму, да јаде домашна храна, да ужива во чистиот воздух и во прекрасниот поглед.

Никогаш не дозволувајте да правите споредба помеѓу морето и планината, бидејќи тоа се сосема две различни страни кои имаат поинакви бенефити.

Денеска ќе ве запознаеме со домаќините од село Станча, прекрасно планинско селце на планината Герман кои ги отворија своите врати за патувачите на Кајак, а во кој дом ќе добиете прекрасно искуство од храна, прошетка во планина, истражување на патеките на дивите животни, хранење на домашни животни и најважно од се е добриот муабет кој можете да го направите со домаќините.

Ранчот има две модерно реновирани соби во кои можете да престојувате. Едната соба е со брачен кревет, а другата има два поединечни кревети.

Во самиот ранч има кози со јариња, крави и телиња, коњи и ждребиња, кокшки, свињи и ред други домашни животни. Она што е важно да потенцираме е фактот дека овие животни се пуштени слободно да шетат во просторно ограден ранч, а оние кои ќе покажат интерес може да јават и коњи или пак да научат како да јават.

На околу 2 километри од сместувањето има стара воденица покрај река каде имате можност домаќините да ви организираат пикник покрај воденицата. Додека тие ви ја подготвуваат питата под вршник која се парира со нивното домашно кисело козјо млеко, вие можете да ловите риба од реката.

Планината ниуи можност за велосипедизам, а има и каде да ги оставите велосипедите. Најблиската соседна куќа е на 2 километри од ранчот, што ви гарантира потполна слобода и уживање во звукот на природата.

Сигурно сте љупопитни за повеќе информации, фотографии и контакт за резервација? Доколку одговорот е да, тогаш кликнете ОВДЕ.