Уникатни апартмани на сама плажа во Претор

Уште едно уникатно сместување за љубителите на пикник во природа и покрај езеро. Денеска базата на Кајак.мк се надополнува со нови уникатни апартмани кои се стационирани во Претор покрај самата плажа.

Апартманите кои се наоѓаат во склоп на објетите имаат директен поглед кон Преспанското езеро, а домаќините кои ги отворија вратите за светот на Кајак.мк велат дека имаат приватна плажа со лежалки и чадори за сите гости, а годинава додаваат и два базени кои ќе им бидат на располагање на гостите. Во близина има повеќе ресторани, маркет, пешачка и велосипедска патека до плажа Сливница и Крани, како и голем број на манастири и планински пешачки патеки.

Сместувањето се наоѓа на плажа Претор, во голем зелен двор со природни сенки и паркови со места за седење, со прекрасен поглед кон езерото.

Во околината има богата природа, спој на езеро и планина. Во близина се другите плажи во Претор, Сливница, Крани, Дупени, а наша препорака е да ги посетите и етно селата Брајчино и Љубојно, како и градот Ресен. Не заборавајте да ја надополните вашата листа со големиот број на манастири кои се наоѓаат во селата Курбиново, Сливница, Грнчари и Подмочани, како и планинските патеки кои ги поврзуваат овие манастири. Локацијата нуди најубав поглед кон зајдисонцата над Преспанското езеро.

Повеќе информации за сместувањето, фотографии и контакт за резервација можете да најдете со еден клик ОВДЕ.