Ранчот на коњи во Неготино: Ги поттикнуваме гостите да се заљубат во коњите

Во базата на Кајак од денеска ни се приклучува уште една уникатна локација која на дел од нашите патувачи им е позната како „Коњанички клуб- Adventure“.

За нашите патувачи кои пак за првпат се среќаваат со клубот, треба да знаат дека тој се наоѓа во Неготино, односно во населбата „Саат Кула“.

Оддалечен е еден километар од центарот на градот, а претставува атракцивна викенд дестинација за локалното население.

За оние кои немаат искуство во јавањето коњи, може да јават исклучиво во кругот на ранчот. Додека пак на искусните јавачи може да им се организираат тури и надвор од ранчот, на отворен терен.

Ранчот располага со 5 коњи. Домаќините за Кајак велат дека пробно јавање чини 150 денари. Во склоп на ранчот има и ресторан каде може да се нарача храна или пиење.

Клубот започнал да функционира во 2017-та година, а изграден е од љубов кон коњите без комерцијална намена. Започнал да функционира со 2 коњи и со тек на време бројката достигнала до 5 коњи.

Доколку сакате точна локација и контакт за резервација, кликнете ОВДЕ.