14.08.2022
Успеав да изградам еко приказна во селото на Силјан Штркот
Успеав да изградам еко приказна во селото на Силјан Штркот
Тимот на Кајак.мк неуморно продолжува со промоција на нови локални херои кои нам ни значат многу повеќе од туризам. Тоа се луѓе чии приказни имаат цел да го мотивираат населението да започне да размислува за придобивките од здравиот начин на живеење, здравата храна која ни ја раѓа нашата почва и да отпочне да размислува како да го замени урбанизираното секојдневие со рурални патчиња кои водат до спокојот и комфорот.
Денеска ќе ве запознаеме со нашата нова локална
хероина Гордана, чија животна приказна е катадневно поврзана со новинарството,
спортот и традиционалната здрава храна.
Среќни сме што Гордана од денеска е дел од светот на
Кајак.мк, а доколку сакате да стапите во директен контакт, ние ви овозможуваме
контат со еден клик ОВДЕ.
Гордана вели дека љубовта кон новинарството резултирала со креирање на локалното радио Пела и порталот радиопела.мк, медиуми во кои што најголем простор има токму за овие теми: спорт, земјоделство, екологија, кулинарство. Таа потекнува од семејство каде трпезата, готвењето, вкусната храна особено се почитува.
Инаку по професија е поранешен спортист, ракометарка и
долгогодишен активен новинар со афинитети кон земјоделството, особено еколошкото,
органското производство на здрава храна.
Денеска, Гордана гради една прекрасна еко приказна во селото Мало Коњари, кое се наоѓа на 6 километри од Прилеп, во срцето на Пелагонија, а на самиот регионален пат кон Крушево. Мало Коњари е познато и како селото на Силјан Штркот, препознатливо по производство на житарици, градинарски производи, а има долга традиција за производство и преработка на млеко и домашна продукција на сирење на традиционален начин.
Таа вели дека Мало Коњари е нејзиното родно село, тука го завршува основното образование и преку животните искушенија во Македонија и Австралија, повторно се враќа дома каде ја гради нејзината „Бавчика“, која е практично во нејзиниот двор. Традицијата за одгледување на здрава храна, Гордана вели дека е наследство од нејзиниот дедо кој на сегашните простории пред неколку децении одгледувал расадници за јаболка, а покрај дедо и, овде е нејзиниот татко кој исто така бил вљубеник во овоштарството.
Денеска, ваквата традиција ја продолжува таа, преку мисијата
во еколошкото градинарство. Бавчата и малиот расадник се далеку од секакво
загадување, на крајот од селото, каде секое семејство си одгледува за свои
потреби и своја душа.
Бидејќи љубопитноста е одлика на новинарите, така започнала и „Бавчика“. Заедно со нејзиниот сопругот изминативе неколку години експериментирале како ќе им оди со производството на зеленчук за домашни потреби без користење на хемиски препарати. Покрај градината и овоштарникот, одгледуваат кокошки, мисирки, гулаби... Производството е традиционално – еколошко, со користење на систем капка по капка.
Гордана вели дека Бавчика е „алергична“ на секаква хемија. Овој мал еко – систем е приказна која што ја градат со многу љубов, најчесто преку сопствено искуство, во соработка со земјоделски стручњаци кои се дел од нивната новинарска работа. Целта е да се создадат здрави и вкусни земјоделски производи спакувани на традиционален начин без користење на конзерванси.
Од плодовите преработуваат џемови и сокови од вишни, кајсии, малини, јагоди, кои што растат во нивниот двор, и како ќе стасуваат домати, пиперки, црни патлиџани, целер, прокељ, зелка, гравче, јаболка, круши, лешници, така ги продаваат по порачка, или ги пакуваат во тегли.
За Гордана ваквата идеја тлеела и растеше повеќе години, а главната поттик и бил престојот од 10 години и искуството во Австралија, која за неа е држава што има еден посебен, суптилен начин за зачувување на еко средината и каде особено се ценети органските производи. Таа вели дека во Австралија има едно мото, а тоа е дека не секоја храна е храна.
Денеска, Гордана вели дека доколку има заинтересирани
кои сакаат да ги посетат и да дегустираат од нивните производи или пак да купат
за домаќинствата се добредојдени во секое време.
Доколку сакате повеќе информации и контакт за комуникација,
кликнете ОВДЕ.
Comments
-
Emilija krstevski
17.08.2022 21:08
Veruvam na nasata sredba edvaj ceka da ve zapozna prekrasna ste i da razgovarame na temata i jas sum isto kako vas so iskustvo pobarajteme na profil ili tel broj ostavete ve molam ve cekam poz
Блог
Препораки
Read More

Villa with a Spacious Yard by Prilep Lake Coming Soon for Rent
We explore, inform, and introduce the public to everything available to us in Macedonia. Today, we want to introduce you to the Ethno Villa "St. Nikola," located right on the shore of the artificial lake in Prilep.

Weekend House at 900 Meters Above Sea Level with a View of Ohrid
Today, we are expanding our base of private accommodations with another villa, featuring a unique location that is perfect for spring and summer getaways, away from the city hustle and bustle.

Weekend Destination Suggestion: Stanečki Waterfall
You will often come across the term "Active Tourism" which Kajak.mk uses to emphasize that a healthy lifestyle and positive energy are at the core of active tourism, an area where Macedonia has immense potential.

Apartments in Ohrid Available for Reservations
Today, we are adding a new accommodation located in Ohrid. The villa has 4 studios, each with its own bathroom. It is an ideal place for a group or several couples.

Bella Casa: A Must-Visit Destination in Macedonia
The Kajak.mk team spoke with Vasko, who, together with Kate, is building a unique world aimed at showcasing the real beauty of Macedonia, our music, food, and untouched nature.

Peaceful and Relaxing Apartments in Krushevo
Another property – apartments – is joining the world of Kajak.mk!