27.11.2021

Планинска куќа со поглед кон Бистра достапна за резервации

Идеално време да го посетиме регионот на Ростуше и Маврово. Тимот на Кајак.мк ве советува да внимавате на патот и да поседувате задолжителна зимска опрема земајќи предвид временските услови и доаѓањето на зимата.

Регионот на село Жировница за многумина од вас е слаба страна. Би се согласиле на фактот дека многу мал процент од нас сме запознаени со тоа што го нуди регионот и што може да се посети во околината.


За да ве поттикнеме да размислувате за тоа дали вреди да ја истражете ова област, одлучивме да додадеме уште еден уникатен планинарски дом кој се наоѓа недалеку од селото Жировница, кое  заедно со Болетин, е на самата граница помеѓу мијачките села и Горна Река.

Селото се наоѓа од десната страна на реката Радика, а на источните падини помеѓу планините Кораб и Дешат. Селото е планинско, што е примамливо за луѓето љубители на планината и активниот туризам.


Домот во околината на Жировница кој од денеска е дел од базата на Кајак.мк е на надморска височина од околу 950 метри.

Ние го запознавме домаќинот Даут, кој со свои раце го изградил овој сместувачки капацитет. Надворешната страна е од дрво и камен, а внатрешниот ентериер е претежно од дрво што ви го нуди прекрасното планинско чувство.


Погледнот од домот е вперен кон планината Бистра, а она што го прави ова место идеало за престој е фактот дека е оддалечен околу 700 метри од селото и нуди приватност и тишина.


Во околината на домот може да се најдат доста маркирани планински патеки, а исто така има и велосипедска планинска патека. На околу 6 километри од домот се наоѓа манастирот Св. Јоаким Бигорски, а во самиот регион се наоѓаат и доста мијачки села кои се идеални за посета во пролетниот и летен период од годината.

Доколку сакате повеќе информации за сместувањето, контакт и фотографии, кликнете ОВДЕ.

Остави Коментар

Прочитајте повеќе

Уникатна викендица во Маврово која е достапна за изнајмување

Среќни сме што денеска објавуваме уште една уникатна викендица на Маврово која може да ја резервирате преку нашата платоформа.

Правам домашни сапуни, занает кој го наследив од мојата баба

Ваква скромна позитивна приказна има нашата локална хероина Даниела која веќе со години наназад произведува домашни сапуни по “тајниот рецепт“ на својата мајка и баба.

Правиме сè за Пониква да го добие заслуженото внимание

Денеска сакаме да ве запознаеме со човекот кој неуморно работи за промоција, оддржување и изнајмување ски опрема и инструктори на Пониква.

Изградивме наша ски патека во Подмочани долга 120 метри

Патеката се наоѓа во населеното место каде во непосредна близина поминува регионалниот пат кој води до туристичките езерски летувалишта и граничниот премин „Маркова Нога“.

Планинска куќа во Ниже Поле идеална за цела фамилија

Вила во Ниже Поле

Сигурно некој дедо кришум ми ја намачкал устата со вино

Малите бутик винарии и индивидуалците кои произведуваат вино и ракија се новиот предизвик за туризмот во Македонија.