16.11.2022

Изградив еколошка куќичка која е достапна за изнајмување

Изградив еколошка куќичка која е достапна за изнајмување

Можеби ова е првото специфично место кое ние од Кајак.мк би го нарекле објект за сместување и престој и би го додале во нашата база на приватни сместувања.

На самиот старт од лансирањето на платформата Кајак.мк си ветивме дека ќе бидеме будни трагачи по уникатните места и уникатните приказни на локалците во Македонија кои вреди да ги запознаете.

Денеска, во базата на Кајак.мк може да најдете еден куп уникатни сместувања и многу локални мештани кои имаат свои приказни интересни за раскажување.


Денеска, во светот на Кајак.мк ни се приклучува Димче Ацков, човекот кој го живее сонот за пространост, мир, тишина и слобода.

Димче има своја уникатна приказна, има своја огромна заслуга кога станува збор за промоцијата и развојот на туризмот во регионот на Велес. Димче за нас е човек кој неуморно вложува од својата љубов кон изградбата на првото еколошко село во месноста Долно Оризари која се наоѓа на 4 километри од градот Велес.

Димче веќе може да се гордее со она кое го има изградено. Може да се гордее и со сите работилници кои ги има реализирано, а ние се гордееме што неговата еколошка куќа од денеска е дел од базата на Кајак.мк


Оваа еко куќичка е идеална за дневни посети, супер место да ги одведете вашите деца на едукативна тура, да го запознаат Димче и да научат многу работи за тоа како може да се искористат природните ресурси кои ни ги дарува земјата и како може да живееме во мир и хармонија.

Димче честопати организира отворени викенди, каде секој кој е заинтересиран може да ја посети локацијата.


За оние кои се чувствуваат доволно авантуристи, Димче вели дека може слободно да останат на ноќевање. Куќичката има голема пространост, а во дневниот престој има изграден уникатен камин на дрва кој служи за греење преку зима.

Димче вели дека еколошката куќичка ја градел во текот на летните периоди и ја градел сам, без механизација и во слободно време. За да ја заврши му биле потребни неколку лета, или ако ги собере сите денови вложени за изградбата, тоа се вкупно 6 месеци за да ја изгради.


Во најголем дел изградена е од земја и рециклирани материјали. Преку овој метод, Димче вели дека секој може да се увери дека можно е да се изгради куќа од земја и од работи кои ги фрлаат луѓето.


Куќата соодржи една голема или главна куполта која има 30 квадратни метри и две мали простории од по 6 квадрати. Дневната светлина се добива од два прозори кои се наоѓаат во големата куполта и по еден во малите помошни простории.


Сигурно сте заинтересирани како изгледа внатрешноста на објектот. Во главната куполта има уникатен под направен од глина, камин и место за седење за 4 лица. Доколку сакате да погледнете повеќе информации за внатрешноста, точната локација, повеќе фотографии и контакт за резервација, кликнете ОВДЕ.

Остави Коментар

Прочитајте повеќе

Македонија повторно изненадува: Антички мозаик откриен на локација за која малкумина знаат

Мозаикот во Пеленица кај Драчево открива нов дел од античката историја на Скопје. Откријте што пронајдоа археолозите.

November Run: 3.000 учесници минатата година, ново издание на 14 и 15 ноември

November Run 2026 ќе се одржи на 14 и 15 ноември во Гевгелија. Минатата година настанот привлече 3.000 учесници, од кои 1.300 на главните трки.

Аеродромот во Неапол е затворен цел ноември: што да проверите

Аеродромот во Неапол е затворен од 1 до 30 ноември за реконструкција на пистата. Дел од летовите се префрлени во Салерно.

Стоби: нови откритија во римскиот театар

По 17-та сезона истражувања во Стоби, археолозите документираа две градежни фази, заѕидан премин и предмети од доцната антика.

Пештера Врело на Матка: рекордни 338 метри | Кајак.мк

Експедицијата „Врело 2026“ ја истражи пештерата Врело на Матка до 338 метри. Дознајте што значи рекордот и како се посетува пештерата.

Триглав Осигурување докажа дека Пехчево е вистинско богатство за тим-билдинг авантури!

Триглав Осигурување докажа дека Пехчево е вистинско богатство за тим-билдинг авантури!