Предлог викенд гастро дестинација: Етно гостилница „Вила Весница“.

Ни доаѓа викенд, а она што ќе го прави викендот идеален за прошетка е топлото сонце кое нѐ очекува. Базата на Кајак.мк си крцка со доста сместувања, атракции и гастро дестинации кои може да ви го исполнат слободното време за викенд, а денеска ќе ви споделиме уште еден предлог гастро дестинација која можете да ја посетите во секое време.

На површина од 3000м2 и со капацитет од над 50 столчиња во зимскиот период и над 200 столчиња во летниот период, вила Весница претставува одлична рурална дестинација за викенд. Лоцирана е во Чучер- Сандево на 15 километри од центарот на Скопје.

Рустичниот амбиент на етно гостилницата ќе ве поттикне да ги вкусите сите уникатни специјалитети на куќата и да уживате со вашите најблиски. Се наоѓа на 475 метри надморска височина, а во околината нема ниту еден индустриски објект, што ја прави оваа дестинација идеална за прошетка во природа и чистење на белите дробови.

Скоро сите производи кои се служат во угостителскиот објет се од домашно и сопствено производство. Оние кои ќе се одлучат да ја посетат „Вила Весница“ треба да имаат на ум дека овде може да нарачат квалитетни овчи сирења, домашни чварки, домашно сувомеснато, мешана квалитетна скара и ред други специјалитети на куќата.

Доколку сакате да ја погледнете точната локација и да стапите во контакт за резервации, кликнете ОВДЕ.