12.04.2022

Викендица на Галичица со панорамски поглед кон езерото

Викендица на Галичица со панорамски поглед кон езерото

Дали сте слушнале за село Горно Коњско? Дали можеби сте го посетиле или можеби сте размислувале да ја преселите вашата он-лајн канцеларија на 1100 метри надморска височина и да ги извршувате работните обврски со прекрасен поглед кон Охридско езеро?


За нашите патувачи кои со нетрпение чекаат да додадеме ново скривалиште во базата на Кајак, овојпат ги изненадуваме со прекрасна и уникатна вила која се наоѓа токму во селото Горно Коњско.

За тие кои не слушнале за него, ова селото се наоѓа во средишниот дел на територијата на општина Охрид, недалеку од неговиот брег.


Селото Коњско според народните преданија го заселиле сточари кои чувале коњи и дека заради тоа на селото му било дадено името Коњско. Некои пак, сметаат дека името на селото води потекло од страна: дека некој овчар од прекупланинското село Коњско (Преспа) се заселил на тој простор и така поради тоа село и ова го нарекле Коњско.


Фото: Annevy

Сите вие кои ќе се одлучите да престојувате во вилата Гркаша која е стационирана во селото, ќе имате прилика да сретнете и запознаете доста овчари кои ги пасат своите овци по зелените рамнини, а тие кои се љубители на домашното сирење, со сигурност би можеле да направат добра зделка со локалците за набавка на истото.


Домаќинот Христијан кој ги отвори вратите за светот на Кајак.мк вели дека мирот и тишината се најважните работи кои привлекуваат доста туристи. Природата и чистиот воздух, како и прекрасниот поглед кон езерото се нешто кое му е потребно на секој поединец.

Како совет, домаќинот Христијан ја истакнува можност да прошетате низ селото каде може да ги погледнете сите стари куќи и објекти од минатото кои го прават селото живописно.


Вилата Гркаша е на 4 километри од хотел Метропол и самата плажа, а на само 200 метри пеш од вилата, се наоѓаат ресторани кои имаат прекрасен поглед кон езерото и зајдисонцето.


Звучи примамливо за престој, зарем не?
Доколку сакате повеќе информации, фотографии и контакт за резервација, кликнете ОВДЕ.

Остави Коментар

Прочитајте повеќе

Колективно готвење за вкусен ноемвриски тим-билдинг во Вевчани!

Колективно готвење за вкусен ноемвриски тим-билдинг во Вевчани!

Ноемвриски рурален тим билдинг со TaskForce!

Ноемвриски рурален тим билдинг со TaskForce!

Недела на италијанската кујна во Скопје 2026: Гастрономија и традиција

Недела на италијанската кујна во Скопје 2026 носи гастрономски работилници, мастер-класови и презентации на италијанските регионални специјалитети.

Охридски аеродром во зимската сезона 2026/2027: Нови можности за туризмот

Охридски аеродром во зимската сезона 2026/2027 отвора можности за подобра поврзаност со европските градови и развој на туризмот во текот на целата година.

Македонија повторно изненадува: Антички мозаик откриен на локација за која малкумина знаат

Мозаикот во Пеленица кај Драчево открива нов дел од античката историја на Скопје. Откријте што пронајдоа археолозите.

November Run: 3.000 учесници минатата година, ново издание на 14 и 15 ноември

November Run 2026 ќе се одржи на 14 и 15 ноември во Гевгелија. Минатата година настанот привлече 3.000 учесници, од кои 1.300 на главните трки.