Вила идеална за на зима: Спирко ја загрева секогаш пред да пристигнат гостите

Полека но сигурно започнуваме да ви ги претставуваме вилите кои се „родени“ да уживаат во зимата. Кога станува збор за избор на сместувачки капацитет, постојат две опции: Луксуз кој ќе го платите за да добиете на убавина или раскош преку кој ќе добиете на комфор. За вкусот не се дискутира, бидејќи секој патник си има свој зацртан филм за тоа како треба да изгледа еден зимски одмор. 

@Vrzalski 
Нашиот тим во наредниот период ќе ве запознае со многу вили кои можете приватно да ги резервирате, а кои се достапни за сечиј џеб. Денеска ве запознаваме со вила Алек која се наоѓа на главниот пат кон Пониква на 1300 метри надморска височина. 

Викендицата е на 2 спрата, располага со 3 спални соби, во двете спални соби кои се на спратот, секоја располага со брачен кревет и еден помошен. Третата спална е со два поединечни кревети. Капацитет на сместување од 10 до 12 лица. Ова вила е идеална за семејно уживање и за луѓе кои сакаат изолација.

Нашиот тим ја препорачува за младите брачни парови кои имаат деца почетници или без искуство во скиење, а сакаат да го научат овој спорт. Пониква има три ски лифта и терени идеални за почетници. Затоа не размислувајте да го одведете вашето дете на Пониква. Ние како тим ви би се радувале доколку ги поттикнете вашите деца да научат да скијат, отколку пак да се на телефоните по цел ден. 

Кујната е комплетно уредена со шпорет на плин и поединечна вградена фурна. Комплетно е уредена со прибор за јадење. Надвор поседува место за седење со скара на ќумур. Во непосредна близина е ресторанот „Осоговска куќа", црквата св. Климент Охридски, и прекрасна стаза за пешачење. Викендицата е во борова шума, со сопствен паркинг, не поседува интернет, но има 3 телевизори. 

Што се однесува до стазите: 

Стазата 1 е наменета за почетници и е во групата на кратко лесни патеки. Должината на стазата е 300 метри и целата патека е осветлена со рефлектори, секогаш спремна за ноќно скијање. 

Стаза 3 е наменета за понапредни скијачи и се вбројува во групата на средно/тешки патеки. Таа е долга 700 метри, а првите 200 метри се доста стрмни и тешко ги совладуваат не толку искусните скијачи. На лифтот има 24 дупли сидра и за 2минути и 30секунди пренесува 48 луге до врвот на патеката.