Во Македонија има ранч со базен кој нуди хипотерапија со коњи

Еј друштво, дали се сеќавате на нашата приказна со Марија Дуда? Девојката која се врати од САД се со цел да отвори свој ранч во Македонија и да му понуди на македонскиот туризам нешто ново и иновативно? Доколку се уште не сте ја прочитале, тоа ќе може да го направите со еден клик ОВДЕ.

Денеска сме среќни што нејзиниот ранч кој е прв Green Comfort Center за терапија со животни во Македонија е дел од базата на Кајак.мк. Она што не прави уште посреќни е фактот дека сместувањето на рачот е пет-френдли, уникатно дизајниран и исполнет со позитивна енергија. Како јаготка на шлагот е базенот кој е изграден во дворот, а кој може да го користат гостите.

Марија вели дека на Македонија и беше недостасуваше ваква понуда. Хипотерапијата со коњи е нешто кое му е потребно на секој поединец, а најмногу на луѓето кои имаат здравствени проблеми.

Енергијата која ја имаат коњите е нешто незаменливо, вели Марија. Од тие причини заедно со сопругот се одлучивме да го изградиме ранчот „The Countryside“ кој се наоѓа во општина Ранковце, на 20 километри пред Крива Паланка, додава таа.

Целта од престојот на ранчот е да им овозможи на гостите терапија со коњи, да ги направи среќни сите деца кои имаат потреба да ја почуствуваат енергијата на коњите и да дегустираат здрава веганска храна.

Според Марија, ова е одлично место и за тим билдинг настани и практикување јога за која цел таа има сертификат од Ashram во Индија.

Регионот во кој се наоѓа ранчот е идеален за планинарење, посета на Св. Јоаким Осоговски кој е на 25 километри, Камени кули кои се на 13 километри, а покрај коњите, ранчот располага и со велосипеди и крос мотор.

Како што велат домаќините на ранчот, дозволен е влез на домашни миленици, бидејќи тие не прават посреќни.

Доколку сакате да погледнете повеќе информации, фотографии и контакт за резервација кликнете ОВДЕ.