Продолжуваме со испишување на приказната на нашиот татко: Човекот кој изгради прекрасен свет на олдтајмери

Прво нешто кое треба да го имаме предвид во 2023-та година е да им даваме огромна поддршка на локалците во Македонија кои го вложуваат својот максимум во развојот на убавата приказна!

Мотото на Кајак.мк во новата година е: Да бидеме туристи во чевлите на локалните жители! Новото мото е со цел да сфатиме дека време е да почнеме повеќе да ги вреднуваме оние луѓе кои ни останаа во државата.

За да имаме успешни приказни во Македонија не треба да пишуваме во коментари на социјалните мрежи „БРАВО“, туку треба да направиме акција на терен. Без разлика дали акцијата ќе биде еколошка, социјална, дали ќе биде акција за поддршка на локалното население, наше е да намалиме со секојдневното користењето на социјалните мрежи, да излеземе надвор и да се соочиме со реалноста која секој ден го гризе нашето општество!

Денеска сме овде да ви ја споделиме приказната на Димитар и Кирил кои за нас се нови локални херои кои покрај сето она низ кое поминале, одлучиле да продолжат по патот на својот татко Дионис, човекот кој животот го посветил во градењето на еден свет полн со предизвици. Светот на олтајмерите.

Денеска, градот Неготино има нова туристичка атракција, така наречена „Музеј на Олдтајмери“. Музејот го изградува Дионис Пашлаков, а приказната ја продолжуваат неговите два сина.

Дионис успева да собере 120 одтајмери, 70 моторцикли, едрилица и делта-план и дел од нив да ги смести во затоврен простор кој ќе ги штити од ерозија и влага.

Во неговиот музеј може да се најдат доста уникатни возила кои имаат своја приказна. Најстариот олд-тајмер е од 1950-та година, но има доста од 60-те и 70-те години. Во музејот може да го видите автомобилот на поранешниот претседател Лазар Колишевски, а овде се наоѓа и возилото „Аустин 1800“ кој е донација од Британската амбасадорка.

За музејот има уште многу што да се раскажува, но не би сакале тоа да го сториме ние, бидејќи информациите ќе ги доживеете подобро доколку ја посетите локацијата.

Музејот е одличен за тим-билдинг патувања, групни посети, посети од страна на основни и средни школи. Како што кажавме во самиот наслов, влезот е бесплатен, а на вам останува да донирате средства во самата касичка која е голем стимул за поддршка на овие млади луѓе.

Точна локација, контакт телефонски број и повеќе фотографии можете да најдете со еден клик ОВДЕ.

Споделете ја приказната, бидејќи споделувањето е грижа!