Предлог викенд гасто дестинација: Етно ресторан Куклица

Вистинските гурмани кои ја следат платформата на Кајак.мк и кои се во постојано исчекување на нови гасто дестинции, денеска ги запознаваме со уште една прекрасна дестинација која може да се посети за време на викендите или пак во работните денови кога нема многу гужва.

Станува збор за етно ресторанот „Куклица“ којшто се наоѓа во прекрасното село Куклица, а кое селце пак, има доста уникатна приказна и заслужува да го посетите.

Овој национален ресторан нуди разни локални специјалитети, а дел од нив кои ние ви ги препорачуваме да ги вкусите се: Кукличка плескавица, куклички колбас, кукличка тава, вртена баница, мантии и качамак со сланина, а превкусно е и домашното лепче до ржано брашно кое се пече во фурна.

Ресторанот се наоѓа на 8 километри од градот Кратово, во прекрасна природа и во близина на Крива Река.

Идеалната клима им овозможува на домаќините да произведуваат домашни краставици, домати, тикви, пиперки, марула, компир од кои подготвуваат разни салати за своите гости.

Точната локација на ресторанот, како и контакт телефон за резервација можете да најдете со еден клик ОВДЕ.