Дали сте слушнале за меанче во кампче?

Летните одмори на повеќето од вас кои во моментот го читате четивото поминаа, а сега на ред е да ги искористите слободните викенди со последното топло сонце некаде низ Македонија, некаде каде можеби никогаш не сте биле претходно.

Тимот на Кајак.мк има цел да ви создаде предлог викенд дестинации каде покрај храната во локалните угостителски објекти, вие би го искористиле слободниот ден за активности во природа.

Денеска ве водиме во Лесново, односно во ресторанот „Меанче на Кампче“ кој е нов угостилски објект изграден во близина на Лесновскиот манастир, а за кого гостите пишуваат дека има супер услуга.

Пред самиот ресторан имате паркин простор каде можете да го паркирате вашето возило, а пред да седнете на ручек во ресторанот, тимот на Кајак.мк ве советува да прошетате во околината која нуди доста знаменитости.

Овде е Лесновскиот манастир кој треба задолжително да се посети, а недалеку од манастирот се и лесновските пештери до кои води изградена патека. Самата патека завршува пред пештерната црква „Св. Богородица“, а кога ќе влезете внатре ќе го доживеете реалниот испоснички живот низ богатата историја од XIV век. По завршувањето со турата можете да се вратите во самиот ресторан во кој се служи разна локална традиционална храна и скара.

Од макала, тиквички, риба, готвени јадења во фурна, локални сирења и познатиот локален специјалитет пастрмајка, сето ова можете да го најдете во самиот ресторан. Точната локација, како и телефонски број за резервации можете да најдете со еден клик ОВДЕ.