Чешка парализирана , речиси се е затворено

Владата на Чешка нареди затворање на повеќето продавници, ресторани и продажни места во обид да се ограничи ширењето на коронавирусот, пишува Канал 5.

Мерката ќе остане на сила до 24 март и не се однесува на продацвници за прехрамбени продукти, аптеки и бензински пумпи.

„Сакавме да ги спречиме луѓето да одат во трговски центри во текот на викендот”, рече премиерот Андреј Бабиш, повикувајќи ги сонародниците да покажат разбирање и солидарност.

И рестораните и другите места ќе бидат затворени до 24 март, се вели во соопштението на владата објавено на веб-страницата на владата рано утрово.

Во Чешката Република, со население од 10,7 милиони, пријавени се 150 случаи на инфекција со коронавирус.

Во петокот, владата воведе забрана за влез на странци во земјата и забрана за напуштање на земјата за своите државјани, со одлука што стапува на сила во понеделник.

Претходно, владата ги затвори училиштата, театрите, кината, галериите и музеите и забрани собири на повеќе од 30 лица, освен на погреби.