Организирам настан на кој ќе се готви на сред винови лоза

За сите љубители на виното, патувањето и секако на запознавањето нови луѓе додека патувате, Кајак.мк ви го најавува настанот на Бранко Попоски, кој за македонската јавност е познат како Cooking with Branko. Тој вели дека октомври е дефинитивно месец на виното, а виното е секогаш послатко да се пие онаму каде што се произведува.

Во сабота, на 3-ти октомври, тој организира настан во винаријата Сопот (Велешко) каде покрај дегустацијата на квалитетното вино, ќе се подготвува храна која е идеална комбинација. 

Ако се прашувате каде да го помиете викендот, тогаш Кајак.мк ви дава предлог: Винарија Сопот.

Она што можеби треба да се потенцира е дека винаријата Сопот ги отвари своите насади со лозје за присутните на настанот, а она што можеби е најслатно е во моментот оставено како тајна.

Вкусното мени е креирано од страна на Бранко Попоски и Александар Наковски. Ексклузивноста на целиот настан се должи на тоа што бројот на посетителите на овој настан е ограничен, но и организиран според сите мерки и препораки за заштита од КОВИД-19, сѐ со цел секој еден гостин да ја доживее уникатноста низ вкусовите на храната, македонското вино, виолината и несекојдневниот амбиент.

За да имате можност да уживате во уникатниот амбиент, вкусната храна, виното, со добра музика, резервирајте го вашето место на телефонските броеви  078 360 753 / 075 315 222 или кликнете на линкот https://www.facebook.com/events/768492650605030. Цената за учество на овој ексклузивен настан е 2500 денари.

Настаните на Бранко досега ги посетувале многу јавни личности, а импресиите се огромни. Затоа и нашиот туристички сервер го акцентира овој настан. 

За сите коишто ќе се пријават, ги очекуваме реакциите и фотографиите по настанот.