Одбравме поразлично предновогодишно патување во регионот на Кожуф

Кога ќе одлучите да ги извадите вашите вработени или група пријатели од комфорната зона на класични предновогодишни прослави, ќе сфатите дека сте направиле среќни многу повеќе лица отколку што сте очекувале.

Тимот на Кајак.мк е иницијатор ваквите предновогодишни собиранки со вашите блиски пријатели или колеги да се реализираат преку уникатни патувања преку кои ќе им дадеме поддршка на локалните херои кои прават мали нешта од огромно значење за туризмот и на сите работници во туристичкиот сектор.

Доказ дека секоја компанија може да си организира предновогодишно еднодневно патување некаде во Македонија е компанијата „DB FLUKS“. Позитивна група жени кои се дружеа со нашиот тим изминатиот викенд.

Ние им организиравме посета на локалитетот „Смрдлива Вода“ кое е сместено на планината Кожуф. Туристичката населба го добила името по изворската вода која непрекинето тече, а која има доста специфичен мирис и вкус, а за која се вели дека има лековити својства.

Нашето утринско кафе го испивме со муабет во еден од локалните ресторани во населбата, а фотографиите коишто ги гледате ги направивме нејзината околина.

Патувањето на југот од Македонија не би било комплетно доколку немаме дегустацијата на виното кое се произведува на ова поднебје.

Нашиот тим секогаш настојува ваквите дегустации да бидат во мали бутик винарии кои воспоставуваат пријателски однос со своите гости, а кои ни ја отвараат вратата со насмевка и куп информации за историјата на виното.

Ние ја посетивме винаријата на нашата локална хероина Венера, која е сопственичка на Јостела. Венера ни подготвни едно вистинско искуство, почнувајќи со информативен дел околу виното и историјата на винаријата, а завршувајќи со гозба, музика и муабети.

Нема ништо подобро од тоа кога околу вас ги имате луѓето со кои сте работеле во текот на цела година и со кои ќе продолжите во текот на наредната.

„DB FLUKS“ е уште една компанија која од денеска е дел од семејството на еко- компании. Со нивното предновогодишно тим-билдинг патување ова компанија донираше 20 дрвца кои ќе бидат засадени за време на нашата пролетна акција за пошумување во Македонија.

Доколку сакате предновогодишна понуда за патување за вашата компанија, испратете ни барање со еден клик ОВДЕ.