Кајак.мк со ново сместување на планина Обозна- 1000мнв!

И тогаш кога ќе помислите дека сè сте виделе и посетиле во Македонија, Кајак.мк ве води на ново место и нова локација!

Од денеска на Кајак.мк имаме достапно ново сместување на планината Обозна, на околу 1.000 метри надморска височина, до кое можете да стигнете со било каков автомобил, по асфалтиран пат.

Ова е едно од оние места кои ги бараме низ Македонија за да ви ги доближиме вам. Место каде утрата започнуваат со свеж планински воздух, денот може да го поминете во прошетка низ природа и шума, а вечерта да ја резервирате за дружење со вашите најблиски во мир и приватност.

Новата вила на Кајак.мк е пространа, комфорна и создадена за семејства и друштва. Располага со 4 спални соби со брачни кревети, а секоја соба има сопствен тоалет, голем плакар, маса со огледало, клима уред и парно греење. Вилата може да прими до 8 возрасни лица за ноќевање, а достапно е и креветче за бебе.

А за оние кои не сакаат да седат на едно место, околината нуди можности за пешачење, планинарење, прошетки низ шума, off-road авантури и истражување на природата на Малешевијата.

Ние во Кајак.мк продолжуваме да ги бараме местата кои вреди да ги откриете. Не само познатите туристички центри, туку и планините, селата, шумите и скриените катчиња низ Македонија каде што можеби никогаш досега не сте помислиле да отпатувате.

Доколку сакате да погледнете повеќе информации за сместување и да извршите резервација, кликнете ОВДЕ.