Апартмани во Свети Николе дел од светот на Кајак

За првпат додаваме апартмани коишто се наоѓаат во Свети Николе. Сега можеби веќе немате потреба да барате на разни места информации за тоа каде би можеле да престојувате во Свети Николе, кога ја имате можноста да резервирате престој во „Апартмани Bellevue“.

Сигурно додека го читате ова четиво се прашувате, а што би правеле ние во Свети Николе? За тимот на Кајак важи едно мото, а тоа е дека во секое гратче и секое село има по нешто што да се прави и доживее. Ги ловиме најуникатните места ширум државата кои се идеални за бегство за викенд и засолување на некоја нова адреса.

Домаќинката Милка која ги отвори вратите за светот на Кајак.мк вели дека во регионот може да се оди на риболов на браната Мавровица (секако со поседување лиценца и во сезона на риболов), а Милка вели дека имаат честопати гости кои доаѓаат за истражување и уживање покрај оваа брана.

Фото: Kiril Simeonovski

Она што е доста интересно да се посети е археолошкиот локалитет „Вила Зора“ до каде има изградено нова пешачка патека.

За оние кои не слушнале, а можеби ќе им биде од корист, е селото Кнежје, до кое село во 2021-ва е пуштена во употреба нова велосипедска патека. Исто така наш совет е да го посетите и Ѓуришкиот манастир кој се наоѓа во прекрасна природа.

Фото: Kiril Simeonovski

Доколку сакате повеќе информации за апартманите, контакт и фотографии, кликнете ОВДЕ.