Ново рурално сместување во Мариово

Сместена во долно маало во село Градешница во непосредна близина на чистата и живописна Градешка река се наоѓа уште една нова вила која од денеска е дел од светот на Кајак.мк, а која можете да ја резервирате онлајн со еден клик ОВДЕ.

Тимот на Кајак.мк е среќен што ја запозна домаќинката Снежана која ни ги отвори вратите за нашиот свет и ги покани сите наши патувачи и читатели да го посетат ова селце и да уживаат во нивното гостопримство.

Снежана вели дека нивната вила претставува одлично места за сите оние кои бараат спокој и природна убавина. Селото Градешница го преферираат оние гости кои бараат начин како да се изолираат од градскиот метеж и барем на неколку дена да одморат глава од работниот стрес.

Вилата располага со едно студио и огромна тераса. Студиото има три кревети што може да се каже дека ова сместување е идеално за еден пар или за едно семејство со две мали дечиња.

Градешница е едно од најпознатите села во Мариово ( Битолоско) кое се наоѓа во составот на Општина Новаци и е оддалечено 53 километри од Битола. Местоположбата на ова село е доста специфична, а тоа се гледа по фактот што Градешницата се наоѓа доста блиску до Општина Прилеп , а исто така и до државната граница со Грција. Во селцето има продавница која работи во текот на цела година, а ние ви препорачуваме дел од намирниците да ги набавите и до поголемите градови пред да тргнете накај селото. Селото е поврзано со градот Битола преку регионалниот пат 2338 и се наоѓа на надморска височина од 800 метри.

Повеќе информации, фотографии и опција за испраќање на он-лајн барање за резервација можете да добиете со еден клик ОВДЕ.