Предлог викенд гастро дестинација на југот на Македонија

Уште една гастро станица ни се приклучува во базата „Гастрономија“. Денеска тимот на Кајак.мк ќе ве запознае со домаќините Кристијан и Миле кои ја градат приказната на рибниот ресторан „Елита“ кој се наоѓа на југот од државата.

За оние кои се уште не слушнале за рибниот ресторан, треба да ги имаат предвид следните информации:

Рибниот ресторан се наоѓа на патот помеѓу Богданции- Дојран, на 7 километри од Богданци. Отворен е 2005-та година и опстојува до ден денеска.

Она што го прави уникатен ресторанот е самото езерце кое е изградено на коритото на постоечката река „Луда Мара“, а кое е наследство на повеќе генерации на фамилијата Тодорови и е симбол за успешност во работата.

Фамилијата Тодорови од Богданци кои менаџираат со ресторанот успеале да ја пребродат пандемијата од Ковид-19, да се соочат со најголемата криза и да му пркосат на фактот дека во Македонија има мал број на успешни приказни.

Денеска, гостите во ресторанот може да вкусат свежа риба, а овде спаѓаат: крапот, пастрмката, лососот, бранцин и орада, додека од скара може да се вкуси речиси се што имаат и останатите ресторани.

Како специјалитети на кујната се издвојуваат „Млечка од Крап“ и „Димен Крап“ кои ги подготвува ресторанот. Димениот крап се прави во специјална просторија на дрва од слица, брест и даб. Воедно треба да знаете дека фамилијата Тодорови повеќе од 100 години произведува домашна ракија, мастика, црно, бело и розе вино кои може да се дегустираат во ресторанот.

Внатрешниот дел е со капацитет до 55 гости, додека пак летната тераса е за 70 гости.

Доколку сакате да ја погледнете точната локација и да стапите во контакт за резервација, кликнете ОВДЕ.