Етно ресторан во село Подгорци кој мора да го посетите

Еј друштво! Тимот на Кајак.мк ве информира дека наскоро ќе биде официјално отворен новиот етно ресторан „Чардак“ во селото Подгорци.

Одлучивме да одиме со наслов „Етно рестора во село Подгорци кој мора да го посетите“ од повеќе причини.

Прва причина е одличната местоположба на селото. Подгорци се наоѓа на 910 метри надморска височина, што е идеално место за разладување во жешките летни денови. Позиционирано е на планината Јабланица, од каде имате почетна станица за пешачење и планинарење.

Во непосредна близина се селата Лабуништа и Вевчани, а недалеку од селото на самата планина се наоѓа помало езеро кое локалците го нарекуваат Локва.

Овие информации ви укажуваат на тоа дека вие можете да си организирате еден одличен активен викенд со посета на локалните природни дестинации, а потоа да го заокружите денот во етно ресторанот Чардак.

Домаќинот Влатко кој ни ги отвори портите за светот на Кајак.мк вели дека ресторанот ќе стартува со работа во скоро време и додава дека Чардак може да биде одлична попатна точка на сите туристи и групи кои го истражуваат регионот на Струга.

Што се однесува до специјалитетите, овде ќе може да се вкусат многу локални и традиционални специјалитети.

Повеќе информации, локација и контакт од ресторанот можете да најдете со еден клик ОВДЕ.