Главниот град на Литванија ќе се претвори во едно отворено кафуле

Во Вилниус, главниот град на Литванија, владата спроведува паметна мерка со што сака да им помогне на рестораните кои трпат огромни загуби поради коронавирусот. Тие наместо да ги затворат граѓаните дома, решиле целиот јавен простор во градот да го претворат во кафуле- под отворено небо.

Според извештајот на „Гардијан“, градот сака рестораните и кафулињата што се погодени од пандемијата да се вратат во живот со тоа што им овозможија да постават маси на отворено на одредена дистанца, како би им овозможиле на луѓето повторно да уживаат во благодетите на пролетта.

Литванија има план за постепено „отварање“ на градот, со тоа што им дозволува на продавниците, фризерските салони и рестораните кои имаат опција за седење на отворено да продолжат со работа. Во земјата има околу 1.300 пријавени случаи на коронавирусот.

Сепак, жителите сè уште не смеат слободно да се движат наоколу. Постојат ограничувања за тоа колкав број на лица смее да биде во продавница, масите да бидат распоредени на околу 6 метри и да се носи маска на јавен простор.

Градоначалникот одлучи дека единствениот начин да живне економијата во целост е да им се овозможи на кафулињата и рестораните „оваа година бесплатно да постават маси на отворено“. Градот им нуди ваучери за ресторани на вработените во јавното здравство, како благодарност за нивната услуга.

МОЖЕ ДА ВЕ ИНТЕРЕСИРА:

Turkish Airlines го продолжува прекинот до 28-ми мај

Улиците на Италија повторно мирисат на пица

Кои европски земји и кога ќе го отворат туризмот ова лето?