17.08.2022

Во македонското село Опеница се наоѓа винарија која мора задолжително да ја посетите

Во македонското село Опеница се наоѓа винарија која мора задолжително да ја посетите

Сакате викенд-гастро дестинација каде ќе уживате со вашите најблиски, а притоа ќе го искористите просторот и слободото време за движење во природа?

Село Опеница е нашата нова гастро дестинација која мора задолжително да ја посетите, а причината поради кое го сугерираме ова е новата винарија „Monastery Winery“ или „Манастирска Винарија“ која е отворена за посетители во 2019-та година. Основачи на винаријата се Филип Василески, Стефан Кочоски и Димче Ѓорѓиески.


Базата на Гастрономија на Кајак.мк се збогатува со уште една одлична дестинација, која го добива своето име по манастирот кој е во непосредна близина на винаријата Манастир „Св. Кузман и Дамјан“. 

Ова е мала винарија, ги воодушевува гостите кои ја посетуваат. Има скромна и многу добра приказна. За оние кои не биле низ виногорјето на Опеница природата дополнително ги воодушевува. Опколени со многу шума низ која има патеки за планинарење и кампување, прекрасен амбиент и одличен ентериер со разни буриња. 


Нашиот тим разговараше со домаќините на винаријата кои за Кајак.мк велат дека ја одбрале локацијата поради изобилството на специфична енергија, мирот и убавината.


Семејството кое стои позади винаријата се заминава со винарство со години наназад и денеска е гордо што вековната традиција може да ја претстават пред гостите. Вековното искуство и работата на лозовите насади сега го точат во повеќе сорти. Во моментов располагаат со насади како Вранец, Семијон, Хамбург, Кабернет, Мерлот, Темјаника и други.

Дел од грозјето со кое произведуваат вино е од тиквешиот регион, а дел е од охридско- струшкиот регион. Од белите вина како локално вино го имаат „Семијон“ кој е растен на надморска височина, зреен во барик француски буриња и за многу од гостите е навистина прекрасен. 

Покрај виното, тие произведуваат и ракија, бела и жолта, а се прави и ликер од аронија, за кој пијалок велат дека е популарен кај женската популација. За сите пијалоци има и соодветна храна која ја парираат за време на дегустациите. Овде се различни млечни и месни даски.

Винаријата може да се пофали со годишно производство на околу 10.000 шишиња вино.


Сите сорти вино се произведуваат на едноставен начин со минимална употреба на современи средства. Овде може да најдете 10 различни сорти на вино, чие производство е на традиционален начин наследен од предците.


Винаријата располага со прекрасен отворен дел кој има капацитет за 80 гости. Овде може да се дегустира вино преку целиот ден и да се ужива во прекрасната природа. Освен отворениот дел, винаријата располага и со затворен простор кој има капацитет за 20 гости.

Доколку сакате да погледнете повеќе фотографии и контакт за резервација, кликнете ОВДЕ.

За оние кои за првпат слушаат за селото Опеница, ова селце се наоѓа во Општина Охрид. Селото е недалеку од патот Охрид - Ресен, на 10 километри североисточно од Охрид. Надморската височина на селото е 770 метри.

Остави Коментар

Коментари

  • Vasil Stamenkov

    22.03.2024 09:07

    Dali mozhe da se dobie vinoto "Semijon" vo Skopje i kolku koshta? Pozdrav Stamenkov Vasil

Прочитајте повеќе

Стилови на патување: глобални трендови и нивното значење за Македонија

Откријте ги најновите светски патувачки трендови и нивното влијание врз туризмот во Македонија. Од Coolcation и Calmcation до Slow travel и Voluntourism – доживејте автентични искуства, релаксација и длабока вредност во патувањето.

Тим-билдинг со подготовка на македонски тестенини со локални вкусови

Уште еден незаборавен тим-билдинг поминавме со енергичниот тим на Ludotech, каде што Кајак Агенција ја имаше честа да биде организатор на настанот. Настанот беше полн со позитивна енергија, смеење и инспиративна атмосфера.

Каде летуваа Македонците во 2025: Охрид и планинските дестинации повторно на врвот

Охрид и планините повторно прв избор за лето 2025. Македонците ја избраа природата, автентичноста и домашните искуства. Прочитај ја анализата на kajak.mk!

Новата генерација домаќини – младите што ја оживуваат Македонија

Младите домаќини во Македонија не градат само куќи за гости – тие создаваат автентични искуства што ја оживуваат руралната земја и туризмот. Откриј како нивната страст и посветеност го менуваат лицето на туризмот во нашата земја.

Дали некогаш сте слушнале за Опеница? Уникатно гастрономско искуство во XO Distillery & Farm

XO Distillery & Farm во Опеница нуди уникатно гастрономско искуство со домашна ракија и локална храна, во автентичен амбиент исполнет со македонска традиција.

Предлог викенд дестинација: Дрвени куќички со топло огниште и приватност

Идеален викенд во природа! Истражете дрвени куќички со камин, топло огниште и приватност за релаксација, пешачење и автентично планинско искуство.