Предлог викенд дестинација: Ресторан Луле на Тиквешко езеро

Тимот на Кајак.мк цели кон заокружување на вкупно 200 уникатни гастро дестинации во Македонија, кои ви гарантираат вкусни залаци и секако простор за активности во природа.

Нашата цел е да ви креираме бесплатни еднодневни викенд тури кои можете да ги реализирате во сопствена режија со вашето семејство, блиски пријатели и роднини.

Денеска го додаваме 195-тото уникатно гастро ќоше кое е сместено на Тиквешко Езеро.

Ресторанот е рај за љубителите на специјалитети од риба, но не се исклучува и скарата која се служи овде. Ресторанот Луле се наоѓа во близина на селцето Ресава, а самиот предел е доста добар за пешачење во природа.

Во селцето можете да ја посетите црквата на Св. Архангел Михаил, да прошетате низ природата и по крајбрежјето на тиквешкото езеро, а денот да го заокружите во ресторанот.

Ние секогаш го потенцираме следното: Треба да бидеме гости кои ќе се научат да резервираат пред да посетат, затоа доколку сакате да стапите во контакт со ресторанот, контакт и точна локација можете да најдете со еден клик ОВДЕ.