23.04.2021

Лешниците во мојата градина ме поттикнаа да произведувам домашно чоколадо

Лешниците во мојата градина ме поттикнаа да произведувам домашно чоколадо

English
Нема ништо подобро од тоа да ја завршиме и оваа седмица со уште една добра патувачка приказна. Овојпат ќе ве запознаеме со Пеце Клечкароски, човекот кој никогаш не ни помисил дека еден ден ќе произведува чоколадни специјалитети.

За Кајак.мк вели дека започнал да работи како готвач во ресторан, каде добива идеја да прави намаз од лешници кој ќе го користи за подготовка на разни слатки задоволства. Во неговата градина има неколку скромни насади од лешници, на кои при крајот на годината останувала неупотребена количина лешници која му послужила да ги направи неговите први ексерименти. 

Неговата баба и мајка се одлични готвачки, но Пеце вели дека никој во неговата фамилија не се занимавал со производство на чоколадо. Како помлад тој бил наклонет кон музиката и  никогаш не ни помислувал дека ќе биде тоа што е денес.

Научил многу работи правејќи есперименти од чоколадо. Истражува многу на ова тема, постојано учи, практикува нови знаења, има успешни и неуспешни чоколадни експерименти. Најмногу му помогнал секако интернетот каде успеал да најде стручна литература, да разговара со искусни луѓе на разни форуми за чоколадо и ред други работи.

До денеска има создадено повеќе од 80 рецепти за путери и крем намази базирани на јаткасти плодови, семки и зрна. Од пред една година започнува да го усовршува рецептот за таканаречената занаетчиска чоколада направена директно од какао зрно.

Пеце вели дека нема путер или крем намаз кој не го сакаат луѓето. Во последниот период секоја линија на производи што ја прави е веќе однапред продадена. Луѓето си резервираат тегла намаз и чекаат на ред за негова изработка.

Според него, преголемата заинтересираност се должи на квалитетот на производите и на флексибилноста да изработува производи кои се поклопуваат со нутритивните или здравствените гастрономски потреби на купувачите.

Најмногу се трошат намазите од лешници, но исто така и намазите базирани на ф'стаци, бадеми, ореви и семки од тиква.
Пеце најчесто соработува со локални фармери, земјоделци, пчелари, сточари или други мали произведувачи на храна (овошни џемови, сирупи, масла итн) се со цел за сега и во иднина да може да помогне во подобрувањето на економијата во однос на вакви мали домашни произведувачи кои нудат највисок квалитет.

Има соработка и со странски фармери (какао, ф'стак и слично) и сака да се води според принципите на фер трговијата.

Иднината ја гледа во проширувањето на капацитетот за производство но сепак тоа да биде во рамки на занаетчискиот дух со вметнување на чоколадата како рамноправен производ на менито.

Исто така се надева на се поголема соработка со локалните произведувачи на суровини кои се неизбежен дел од едно слатко задоволство.

Остави Коментар

Коментари

  • Сузана Лазаровска

    27.04.2021 07:26

    Како може да добијам од овие производи. Со нарачка или негде се продаваат. Поздрав Сузана Лазаровска

  • Јасмина

    26.04.2021 22:56

    Како може да се порачаат овие производи? Благодарам

  • Славица Стевчева

    26.04.2021 19:02

    Коко може да порачаме од производите?

  • Жаклина Жигиќ

    26.04.2021 15:38

    Kade moze da se nabavat proizvodite?

  • Julija Vladimirova

    26.04.2021 09:04

    Kade da navavam od prouzvodite na Pece, imenjak na mojot tatko?

Прочитајте повеќе

Баба Благица ни пренесе занает кој денес ни ја полни душата

Македонски народни носии. Работилница во Скопје која го чува и негува македонскиот мелос.

14.03.2025 19:47 Повеќе
Во Македонија има отцепена планинска куќичка во која престојот е уникатен

За сите љубители на ваквиот „Повик на дивината“, можеме да ви потврдиме дека ова сместување ќе ви овозможи еден поразличен викенд, ќе ве ги наполни батериите и ќе ве оттргне од сите хаотични збиднувања во земјата и светот.

26.02.2025 17:52 Повеќе
Со мојот син отворивме фарма за магарици во село Виничани

Млекото од магарица на фармата на Тео, нова атракција во центарот на Македонија.

26.02.2025 10:42 Повеќе
Нова планинска АТВ тура за истражување на Јакупица

Еј друштво! Ни доаѓа пролет! Топло време, сонце, кратки ракави, живот! Во пресрет на топлите месеци, тимот на Кајак.мк активно работи на промоција на нови авантури кои можете да ги резервирате за вас, вашето семејство, пријатели или колеги од работа!

24.02.2025 13:03 Повеќе
Планински стаклени иглу сместувања во кои можете да престојувате

Косово може да се пофали со многу нови и уникатни сместувања, кои тимот на Кајак.мк започна да ги лоцира и додава во базата на приватни сместувања.

23.02.2025 18:33 Повеќе
Вила во Скопје со панорамски поглед на градот

Вилата има капацитет за 24 лица, што ви овозможува да ги сместите сите ваши гости од странство кои ќе ви дојдат на посета.

23.02.2025 16:25 Повеќе