Италија отвара два аеродома како знак на олеснување на мерките

Аеродромите ќе бидат отворени на 4-ти мај за сите патнички летови, се вели во краткото соопштение од Министерството за транспорт.

По скоро двомесечните строги правила на карантин, Италија следната недела отвара два свои аеродроми коишто се наоѓаат во Рим и Фиренца. Отварањето ќе служи како тестирање на новиот „систем“ за скрининг од коронавирусот, велат од министерството без дополнително образложение.

@catalinnp

Ciampino кој е еден од аеродромите во Рим кој ќе биде отворен, е втор по големина во градот и претежно го користат „Ryanair“ и други нискобуџетни авиопревозници. Додека пак, аеродромот Перетола е втор по големина во Тоскана, по аеродромот во Пиза.

Двата аеродрома се затворени од 13 март, бидејќи повеќето авиокомпании ги прекинаа своите летови. Повеќето италијански аеродроми се затворени, но има и такви коишто работат со многу малку летови.

Италија ја започнува „ФАЗАТА 2“ по скоро двомесечна строга изолација. Новата фаза започнува од 4-ти мај кога се очекува доста луѓе да се вратат на работа. 

Што знаеме до сега за Италија: Читајте овде:  Кога ќе може повторно да се патува во Италија?