Грција отвори повеќе од 500 плажи

Грција отвори повеќе од 500 плажи во рамките на олеснувањето на рестриктивните мерки воведени поради коронавирусот, пишува сдк.мк

Властите го одобрија отворањето на плажите бидејќи беше најавено дека земјата ќе ја погоди топлотен бран, но ова исто така се смета за клучен тест за подготвеноста на Грција за претстојната летна сезона.

Од посетителите се бара да го почитуваат социјалното дистанцирање, што предвидува и на која оддалеченост треба да бидат поставени чадорите. Дозволено е да има најмногу 40 луѓе на 1.000 квадратни метри, додека растојанието меѓу чадорите треба да биде четири метри.

Баровите не смеат да продаваат алкохол, а киосците за храна не смеат да пуштаат музика. Исто така, забранети се водени спортови и други рекреативни активности на плажите.

Извор: sdk.mk
Cover: Anton Lammert

МОЖЕБИ ЌЕ ВЕ ИНТЕРЕСИРА:

За оние што купиле авионски карти и аранжмани – наместо да бараат пари назад, да прифатат ваучери со рок од една година

Нови правила за летање поставени од авиокомпаниите