Топол апартман за бегство со вашето семејство

Еј родители! До тимот на Кајак.мк пристигаа голем број барања за тоа каде би можеле да ги одведете своите деца, а да не биде само планина.

Нашиот еко тим ве запознава со апартманот Брагорски, кој се наоѓа во еден од најтивките и најзелени градови во Македонија. Каде ако не во Македонски брод. 

Искористете го зимскиот одмор на вашите деца и овозможете им физичка активност во природа. Во Македонски брод можете да посетите доста локации и да организирате едукативни тури за вашите деца преку кои ќе може да научат нешто повеќе.

Македонски Брод е дефинитивно градче кое е опколено со природа, а предноста кај ова сместување е тоа што се наоѓа во непосредна близина на пештерата Пешна која е прогласена за споменик на културата.

Станот е оддалечен десетина минути со пешачење од центарот на градот. Во близина има супермаркети. Исто така, терени за мал фудбал, кошаркарско игралиште, тениско игралиште и игралиште за одбојка. Тениското игралиште е достапно само со претходна резервација. Апартманот е на само пет минути пешачење до Градскиот фудбалски стадион што претставува совршено место за џогирање.

Ова сместување е идеално за тие кои сакаат да ја посетат пештерата Пешна која се наоѓа од десната долинска страна на реката Треска. Ова пештера е со димензии 16,8 * 52,4 метри, според спереолозите, ова е најголемиот пештерски влезен отвор на Балканот. Таванскиот дел на отворот има висина од 40 метри, а самата пештера околу 50 метри. Должината на пештерата е 124 метри. Во пештерата се гнездат ластовици, а во неа живеат и лилјаци.

Пешна во "Нујорк Тајмс" е опишана како идентична на измислените пештери во "Господарот на прстените" од Толкин. Неколку стотини метри од пештерата тече реката Треска, нудејќи идеално место за рибарење и пикник. Локалитетот на пештерата е пристапен за сите посетители, со пријатен амбиент за рекреативен туризам.