Запознајте ја Ирена: Љубовта кон сноубордот ќе трае засекогаш

Еј здраво екипо. Еко тимот на Кајак.мк во овој понеделник ви пишува една кратко но слатка приказна за Видоеска Ирена. Девојката која слободното време во зима не го користи за да кисне на социјалните мрежи, туку напротив да излезе да ужива во она што и го нуди природата. 

Ирена е авантурист, која вели дека најголем проблем и претставува да биде затворена во четири ѕида. Според сликите кои ги споделува, можеме да заклучиме дека е авантуристички карантер на девојка, која за разлика од многумина, се решила да се посвети на зимските спортови. 

Љубовта кон сноубордот и е од 2012-та година, а сега е одлично се справува на различни стази. За себе вели дека сака и лето и зима. Секое годишно време си има своја убавина. Летото го сака поради пливањето, а зимата поради снегот. 

Фотографиите кои таа ни ги испрати се од Попова Шапка, нејзиното редовно место. Таа вели дека на Попова Шапка имала многу интересни искуства. Запознала многу нови пријатели, а вели дека нема да ги заборави луѓето од Бугарија со кои се спријателиле, а кои биле доста интересни бидејќи не го познавале добро теренот. 

Додава дека има убедено повеќе девојки да се посветат на зимскиот спорт. Она што го сака е по пандемијата да појде на франзуските Алпи, односно на Les de Alps. 

Ирена пораснала на Шапка. За планината вели дека е прекрасна во секој поглед. Постојано се обидувате да го доловите секој можен детал на фотографијата и постојано има нешто ново што ќе се појави.