29.07.2021

На туристите во Крушево им нудиме нов авантуристички парк

На туристите во Крушево им нудиме нов авантуристички парк

Еј дечки! Крушево добива уште една нова атракција, а која отсега ќе биде причина повеќе за да го посетите највисокиот град на Балканот.

Во пресрет на фестивалот „WhenInKrushevo“ тимот на Кајак.мк разговараше со Кирче Ристески, човекот кој се потпишува на новиот авантуристички парк во градот.


Како што вели Ристески, инсталацијата на адреналинскиот парк е пред самото финиширање, а наскоро се очекува и официјално отварање. Паркот е лоциран непосредно до скијачката патека и Алто Лаунџ барот на Станич. Покрај постојниот пат до локацијата, Панорама Хотел & Спа од неодамна изградија и пуштија во употреба нов пат до паркот за уште полесен пристап за посетителите. Но да биде авантурата уште позабавна до паркот се доаѓа и со жичарница која поаѓа од градот. Интересно зарем не?

Паркот, според Ристески е наменет за да го искачи активниот туризам на скала погоре, а со тоа да привлече многу повеќе туристи.

Ова е најголемиот парк од ваков вид во Македонија. Се протега на 3000 квадратни метри во прекрасната крушевска корија. Дизајниран е да предизвикува чувство на возбуда, а при тоа е целосно безбеден. Инсталацијата ја вршат експерти од Бугарија и истата потоа ќе биде дополнително сертифицирана од ЕУ компанија која работи во оваа сфера. На поширока територија околу паркот наскоро ќе бидат изградени и патеки за планински велосипедизам од светска класа.

 

Паркот располага со понуда од содржини која не може да се најде на друго место во Македонија. Во него има т.н rope line - мрежа од јажиња поставени на височина помеѓу дрвјата, по кои се движите. Оваа рекреација ви го активира целото тело, но и умот, бидејќи треба да се фокусирате. Исто така, не постои можност да се падне или да се повредите бидејќи пред да се искачите во височините одговорните на паркот ви опремуваат со безбедносна опрема.


По користењето на роуп лајнот, ви претстои возбудливо спуштање назад до почетната точка со zip line. Постојат два, едниот подолг, а вториот е пократок и е наменет за деца и за возрасни во должина од 150 метри.


На локацијата има и пирамида од јажиња, како и вештачка карпа од 10 метри за искачување. Да се изоставува и go-cart триколките за фантасично спуштање по скијачката патека. Со самото спуштање ски лифтот ве влече назад со триколката за нов круг. На посетителите на располагање им е кошаркарски терен, како и Алто Лоунџ барот за одмор и релаксација.


Бенефитот од користењето на паркот е здравјето и физичката активност. Покрај паркот, Panorama All Seasons Adventure организираат и авантуристичко сафари по Бушева планина со амфибија која ве води до планинскиот срт, каде преку зима има можност за скијање по диви патеки или уживање во погледот.

Сигурно ви стои возбудливо сето ова. Резервирајте престојување во некои од приватни сместувања кои се дел од светот на Кајак.мк.

Сите нив може да ги погледнете со еден клик ОВДЕ.

Остави Коментар

Прочитајте повеќе

Стилови на патување: глобални трендови и нивното значење за Македонија

Откријте ги најновите светски патувачки трендови и нивното влијание врз туризмот во Македонија. Од Coolcation и Calmcation до Slow travel и Voluntourism – доживејте автентични искуства, релаксација и длабока вредност во патувањето.

Тим-билдинг со подготовка на македонски тестенини со локални вкусови

Уште еден незаборавен тим-билдинг поминавме со енергичниот тим на Ludotech, каде што Кајак Агенција ја имаше честа да биде организатор на настанот. Настанот беше полн со позитивна енергија, смеење и инспиративна атмосфера.

Каде летуваа Македонците во 2025: Охрид и планинските дестинации повторно на врвот

Охрид и планините повторно прв избор за лето 2025. Македонците ја избраа природата, автентичноста и домашните искуства. Прочитај ја анализата на kajak.mk!

Новата генерација домаќини – младите што ја оживуваат Македонија

Младите домаќини во Македонија не градат само куќи за гости – тие создаваат автентични искуства што ја оживуваат руралната земја и туризмот. Откриј како нивната страст и посветеност го менуваат лицето на туризмот во нашата земја.

Дали некогаш сте слушнале за Опеница? Уникатно гастрономско искуство во XO Distillery & Farm

XO Distillery & Farm во Опеница нуди уникатно гастрономско искуство со домашна ракија и локална храна, во автентичен амбиент исполнет со македонска традиција.

Предлог викенд дестинација: Дрвени куќички со топло огниште и приватност

Идеален викенд во природа! Истражете дрвени куќички со камин, топло огниште и приватност за релаксација, пешачење и автентично планинско искуство.