Во Охрид има прекрасен приватен балкон на кој се служат уникатни локални специјалитети

За луѓето со стил и луѓето кои бараат уникатни скривалишта каде ќе може да уживаат заедно со своите најблиски, тимот на Кајак.мк е среќен што ве запознава со уште една локална хероина која преку своите специјалитети го промовира Охрид како одлична гастро дестинација.

Приказната на Славица ќе ви ја раскажеме од балконот на нејзината семејна куќа која се наоѓа во стариот град на Охрид, а која од денеска е ново гастро ќоше на кое ќе можете да уживате.

Славица вели дека е љубител на подготвување и декорирање униктна храна. Ваквиот талент и желба да создава нешто ново и поразлично го препознале нејзините роднини и пријатели кои и дале идеја да отпочне со мал бизнис преку кој ќе им овозможува на останатите гости да уживаат во вкусниот залак и во прекрасниот амбиент.

Балконот на Славица се наоѓа на 5 минути од градскиот плоштад на Охрид, а таа целокупниот концепт го именува како „Fresh Fine Divine“.

На прашањето каква храна најчесто служи, Славица ни одговори дека тоа се производи кои ги растат на охридското поднебје, а кои се комбинираат во разни домашни јадења кои се поразлични од јадењата што се слушат во рестораните. Посебно уникатно е спремањето на риба по стари, веке заборавени охридски рецепти, додава таа.

Капацитетот на гости кои може да бидат на една трпеза е до 10 лица, а групата може да остане од 2 до 3 часа, колку што и трае ручекот со презентацијата.

Точната локација, како и контакт број за резервација можете да најдете преку нашата гастро база или со еден клик ОВДЕ.