Пролетна гастро дестинација во село Дурачка Река

Викендот е супер да појдете до село Дурачка Река. Ова селце се наоѓа на само неколку километри од Крива Паланка. Опколено со прекрасна природа, оваа село има територија која се издигнува дури до 1140 метри надморска височина, а најниската точка е 800 метри.

Идеално за пршетки во природа и искористување на слободниот ден во истражување на раштрканите маала на самото село.

Во самото селце се наоѓа етно гостилницата „Воденица 3“ која од денеска е дел од нашата гастро база.

До Воденицата може да се пристигнете со лесни моторни возила или со мини автобуси. Имајте предвид дека асфалтниот пат не е пристапен за големи автобуси. Ресторанот постои од 2010-та година, а за многумина е гастро дестинација која ги полни батериите со помош на прекрасната зелена природа која го проголтува ресторанот.

Рестранот е познат по уникатната и вкусна храна зачинета со беспрекорна услуга и прекрасен планински амбиент покрај самата Дурачка Река.

Оние кои ќе се одлучат да го посетат, совет од тимот на Кајак.мк е да дегустираат Боденичарска плескавица, Тава Воденица и сите салати со локални свежи производи.

Точна локација и контакт број за резервација можете да најдете со еден клик ОВДЕ.