Прекрасен ресторан на реката Треска: Нов предлог викенд дестинација!

Анкетата која ја започнавме на нашата фејсбук група „Туризам во Македонија“, говори дека повеќето Македонци го очекуваат пристигнувањето на пролетта за да отпатуваат некаде низ државата. Сите оние кои се љубители на топлото време, зелената боја на дрвцата и уживањето покрај вода, треба да ја имаат предвид нашата нова препорака за викенд гастро дестинација.

Денеска, караванот на Кајак.мк ве води во село Долни Манастирец во општината Македонски Брод. Многумина го знаат селото по ресторанот „Извор“ кој е изграден на брегот на реката Треска.

„Извор“ е новата гастро дестинација која ја додаваме во базата на „Гастрономија“, а точната локација, координатите, како и телефонски број за резервации можете да најдете со еден клик ОВДЕ.

За ресторанот Извор се вели дека е изграден од страна на браќата Владо и Јане кои заедно со сопругите успеваат да создадат нов модерен ресторан од пепелта на старата руинирана воденица која се наоѓала на самото место.

Студената и брза вода која се спуштала од планината некогаш ги вртела воденичките камења и мелела пченица за потребите на локалните мештани. Денеска благодарение на трудот и желбата да се развива туризмот во регионот, се гради модерен угостителски објект низ кој течат изворите.

Ресторанот е оддалечен околу 15 километри од Македонски Брод, а вашето патување во регионот можете да го искомбинирате со посета на слатинските водопади.

Информации за резервации, фотографии и точна локација можете да најдете со еден клик ОВДЕ.