Сместување на 1260 мнв во нова и модерна вила

Во базата на Кајак.мк ја додаваме првата вила која што се наоѓа во село Врбен, недалеку од ски центарот во Маврово. Вилата се наоѓа на 1260 метри надморска височина што е најбитниот фактор кој треба да ве натера да престојувате овде. Тргнувајќи од чистиот планински воздух, надморската височина, храната, мирот и тишината кои владеат. Вилата се наоѓа на 5 километри од Маврови Анови.

Вилата е идеална во текот на цела година. Преку лето е идеална за релаксација, односно уживање во свежите ноќи, преку есен овде се златните пејсажи, зимата е дефинитивно како снежна бајка, а пролетта е годишно време идеално за опуштање од стресот.

Вила Кристина има свој летниковец во кој можете да го поминете подолгиот период од летниот ден, а со вас можете да го понесете и вашиот лап-топ доколку работите од дома.

Домаќините кои ни ја отворија вратата за светот на Кајак.мк велат дека Врбен е село кое има извонредна локација. Лесно може да се стигне до Трница и до ски терените во Маврово.

Вилата располага со апартмани за изнајмување, а можете да ја изнајмите и цела вила. Идеална е за големи семејства или друштво патувачи кои сакаат да го истражуваат овој крај.

Повеќе информации, фотографии и контакт за резервација ќе најдете со еден клик ОВДЕ.